BIGO SI Summer na makaharap si Tita Sophia nang bisitahin niya ang ginang sa bahay nito. Nag-aalala kasi siya rito dahil ayon kay Spring, simula nang engkwentro ng mommy nito kina Tita Aurora, hindi na daw lumabas ng kuwarto si Tita Sophia.
Bukod do’n, may gusto rin siyang makumpirma sa sarili niya. Simula nang makita niya ang matinding galit ni Tita Sophia para kay Tita Aurora, ginapang siya ng takot. Pakiramdam niya, binalikan na siya ng multo ng kasalanang nagawa niya kay Autumn.
“Summer, you’re here,” sabi ni Spring habang pababa ito ng hagdan. Mukha itong pagod na pagod, dala marahil ng pag-aalala kay Tita Sophia. May sariling condo si Spring pero ngayon ay sinasamahan muna nito ang ina nito sa bahay na iyon.
Tumango siya. “Binisita ko si Tita Sophia, pero hindi niya ko hinarap. Ku
