Anong oras na pero hindi pa rin ako makatulog, nakatihaya lang ako sa higaan ko habang nakatingin sa kisame.
Napalingon ako kay Safari na sumampa sa higaan ko at tumabi sa’kin.
Hindi ko maiwasan na mapabuntong hininga. “May gusto ba sa'kin ang taong ‘yon, Safari? Sa tingin mo? Tama ba ako ng pagkakaintindi o nagiging mataas lang ang tingin ko sa sarili ko?”
Tulad ng inaasahan ay hindi siya sumagot, tumagilid ang ulo niya habang nakatingin ng diretso sa'kin. Patunay na hindi niya naiintindihan ang sinasabi ko.
Nagbuntong hininga ulit ako. “Kung tama man ako... anong problema niya? Bakit siya magkakagusto sa katulad ko? Kung nakita mo lang ‘yung babaeng nagustuhan niya dati, magtataka ka rin..” Pumikit ako at huminga ng malalim. "Sabagay, pareho lang naman sila ni Jupiter. Hinahabol ng m
