Maaga silang nagising ni Nay Debra. Siguro dahil excited siyang sa kanyang pagbabalik sa Nueva Ecija. Nagluto sila ng babaonin ulam.
Nakaligo at nakabihis si Martin ng bumaba siya ng kusina at nadatnan na naglalagay ng pagkain sa Tupperware sina Nay Debra at Jasmine.
Napatakam siya sa bango pa lang ng pagkain. "Hmm... mukhang masarap iyang niluto ninyo," wika niya, at kumuha ng kutsara para tikman ito.
"Si Minang nagluto niyan," may pagmamalaking sabi ni Nay Debra.
Napatingin si Martin sa kanila at agad na lumingon-lingon sa paligid na parang may hinahanap. "Sino si Minang?" nakakunot noong tanong ni Martin.
"Kaya pala parang may hinahanap ka! Ako si Minang," kaswal na wika ni Jasmine sabay turo sa kanyang sarili. "Minang ang tawag ni Lola Aida sa akin, mama ni Mama. At nakasanayan
