اوقعتني في حبها

الفصل الرابع :

يشرق صباح يوم جديد وتستيقظ بطالتنا على شعاع الشمس الذى يداعب عينها قامت عشق وادت فرضها وارتدت فستان من الون الابيض مزين بورود من الون البينك ولفت الطرحه بينك والكوتشي ابيض وشنطة بيضه وخرجت من غرفتها وهى متعجبه .

عشق لسهام..هما فين المجانين ملهمش صوت .

سهام ..كان عندهم محاضرات الصبح بدرى ومشيوا .

عشق باستغراب..ومن غير الخناق بتاع كل يوم دا.

سهام ..شكلهم قالبين على بعض المهم سيبك منهم وتعالى افطرى علشان الكليه بتاعتك .

عشق ..مليش نفس يا ماما .

سهام ..لا يا عشق مش هينفع كده تعالى كلى علشان متوقعيش من طولك يا بنتى يلا وحياتى عندك .

عشق ..حاضر بس علشان خاطرك انتي بس يا سوسو واقعدت عشق تفطر مع سهام .

عشق ..الحمد لله هنزل انا بقا يا سوسو .

سهام ..ماشي يا حبيبتى خلى بالك من نفسك .

عشق ..حاضر يا سوسو يا قمر.

ونزلت عشق وراحت الكليه

عند مراد صحى على صوت رنه التيليفون

مراد بص لقا شاهى بتتصل عليه

مراد ..اووووف بقا مش هخلص منك .

مراد ..الو يا شاهى عايزه ايه .

شاهى ..يعنى انا موحشتكش يا مراد بقالك كتير مش بتيجى الشقه لا وكمان مش بتكلمنى .

مراد .. انا مشغول يا شاهى وانتي عارفة كده .

شاهى ..طب تعالى بليل بليز يا مراد انت وحشنى اووى .

مراد ..حاضر يا شاهى هاجى بليل .

وقفل معاها وقام لبس وراح شغله وافتكر انه هيعدى على آدم بس قال بعد الشغل

عشق راحت الكليه واول ما دخلت شافت عمرو فى وشها .

عشق فى سرها ..يادى النيله هو مش هيحل عنى بقا

عمرو قرب من عشق .

عمرو ..عشق عامله ايه .

عشق بدون نفس ..الحمد لله انت عامل ايه.

عمرو.. مش كويس خالص طول ما انتي مش معايا .

عشق ..عمرو انت مش بتزهق من الكلام دا.

عمرو ..لا يا عشق ونفسي تحبينى زى ما انا بحبك.

عشق ..عمرو انا مش فاضيه انا همشي علشان المحاضرة بتاعتى سلام .

عمرو فى نفسه ..مش هسيبك يا عشق حتى لو كنت هموتك واشوفك ميته قدامى احسن من انك تروحى لحد غيري .

دخلت عشق المدرج واقعدت جمب رحمه وهى مخنوقه

رحمه ..مالك يا بنتى داخله من غير سلام ولا كلام ايه مش شيفانى .

عشق بخنقه..مفيش يا رحمه .

رحمه..لا فيه اكيد الزفت إللى اسمه عمرو دا تانى جه كلمك .

عشق ..اة جه انا مش عارفه هو م**م ليه على الحب دا بجد انا زهقت .

رحمه ..طب خلاص سيبك منه خلينا فى آدم العسل دا عامله معاه ايه .

عشق ..هعمل ايه يعنى .

رحمه ..يا بنتى دا شكله بيحبك من كتر الكلام إللى بتحكيه عنه شكله بيحبك وبيحبك اووى كمان .

عشق..بس انا مش شايفاه غير اخ اكتر من كده لا .

رحمه ..شكلك هتعنسي.

عشق ..انتي عارفة انا لازم احب عايزة راجل يقتحم قلبي من اول نظره احب اقعد معاه احب اتكلم معاه واسرح فى عيونه انا عايزه احب وبس مش عايزة ولا عمرو ولا آدم .

رحمه..الله على الكلام الجميل من امتى والعقل دا موجود .

عشق ..موجود بس انتي مش واخده بالك .

فى الوقت دا المحاضرة بدأت وقطعت كلامهم عشق خلصت المحاضرات ومشيت راحت المستشفى وكانت حاسه بنشاط وحماس غريب .

عند مراد كان بيلم حاجته علشان يروح عند آدم وبعدها عند شاهى .

دخل عليه ادهم

ادهم ..اقف عندك يا سيد مراد إلى أين تذهب بدونى رايح تسرمح يا خاين يا جبان .

مراد وهو بيضحك ..يخربيت حركاتك بضحكنى والله مع انى كل يوم بفضل بسأل نفسي انت ازاي دخلت شرطه.

ادهم ..قدرات يا بنى قدرات .

مراد..ماشي ياعم القدرات .

ادهم ..رايح فين انا عارف اكيد رايح للبنات بتوعك .

مراد ..بص انا هروح الاول عند آدم وبعد كده هروح عند شاهى .

ادهم ..واووو شاهى البت المزه ديه إللى مش برتاح ليها .

مراد ..هى مززه اهبس بردو مش داخله دماغى كلهم نسخه واحده كلهم بيجوا يسلمه نفسهم ليا من غير ما طلب .

ادهم ..انا عارف ان مفيش اى بنت بتدخل دماغك دماغك جزمه .

مراد ..ملكش دعوه بيا يلا انا ماشي هروح المستشفى .

ادهم ..تمام مراد هو مش انت ليك جزء فى المستشفى مش بتروح ليه تتابع مع آدم .

مراد ..انا إللى مش عايز يا ادهم .

ادهم ..تمام يا صاحبي .

مراد مشي وركب عربيته وراح عند آدم .

عشق وصلت ودخلت مكتبها .

آدم كالعاده بيلف على الدكاتره.

آدم شاف عشق وجمالها قال فى سره ..الله يخربيت جمالك هتجنينى بجمالك دا.

آدم ..ازيك يا عشق .

عشق ..الحمد لله يا آدم .

آدم..الفستان شكله تحفه عليكى .

عشق بخجل ..ميرسي.

آدم حس ان مفيش كلام بنهم اووى ..طب انا هكمل لف على بقيت الدكاترة وهبقا ارجعلك تانى .

عشق ..تمام .

مشي آدم فى الوقت دا مراد وصل المستشفى

دخل مراد بهيبته وشكله إللى بتخلى عيون البنات هتطلع عليه وكل الممرضين ابتدوا يتهمسه عليه وعلى جماله وهو سامع وفرحان ان ليه معجبين .

لحد ما وصل مكتب آدم وملقهوش مراد قرر يسأل واحده من الممرضين .

مراد ..لو سمحتى ممكن اسالك سؤال .

الممرضه بصدمه..انا .

مراد ..ايوة ممكن اسالك سؤال .

الممرضه بسرحان ..انا مش مرطبته خالص .

مراد ضحك . لا انا كنت هسال على دكتور آدم هو فين .

الممرضه اتحرجت ..ممكن تلاقيه حضرتك عند دكتورة عشق هو على طول بيبقا هناك .

مراد ..طب هو فين مكتب عشق ديه .

الممرضه ..اخر الطرقه الباب إللى على ايدك اليمين.

مراد ..تمام شكرا يا عسل .

الممرضه..بيقولى يا عسل دا انت إللى عسل وسكر هو فيه كده .

مراد راح عند مكتب عشق ديه زي ما بيقول ??

عشق كانت واقفه على الكرسي بتجيب ملف من فوق جت تنزل داست على الفستان وكانت هتقع بس حست بجسم صلب ماسكها او بالأصح حضنها .

مراد فى الوقت إللى كانت عشق بتجيب الملف كان دخل المكتب وشافها وقف مدهوش من جمالها ولبسها المحتشم .

وشافها وهى هتقع وجرى شالها .

عشق فتحت عينها ..انا موقعتش صح وبصت شافت مراد وسرحت فى عينيه .

ونفس الكلام مراد سرح فى عينها وفضل يقول لنفسه ..ما هذا الجمال يا الله هل يوجد بشر بهذه العيون التى بلون السماء .

فضلت عشق متعلقه فى رقبه مراد ومراد حاضنها وباصص على عنيها وقطع عليهم دخول آدم .

آدم..مراد ازيك .

مراد فاق بس كان بيلعن آدم في نفسه علشان قطع عليهم لحظتهم ..الحمد لله يا آدم .

نزلت عشق من حضن مراد بس كانت حاسه انها مش عايزة تسيب حضنه ابدا .

آدم..هو في ايه يا عشق انتي اتعرفتى على مراد .

مراد فى سره كمان اسمها عشق اسم على مسما ..لا يا آدم انا كنت جاي اشوفك وملقتكش فى مكتبك وعرفت انك عند عشق اقصد الدكتورة عشق بس لما جيت لقيت الدكتورة عشق هتقع ولحقتها .

آدم..كويس انك جيت فى الوقت المناسب يا مراد .

مراد في سره ..اه الحمد لله ان انا جيت المستشفى وشفت دكتورة عشق .

آدم ..احب اعرفك يا عشق مراد اخويا وصاحبي وشريكى فى المستشفى ديه وكمان مراد ظابط شرطه شاطر اووى وديه بقا يا مراد الدكتورة عشق دكتورة جراحه واشطر دكتورة موجوده هنا معانا .

مراد مد ايده ليها ..تشرفت بمعرفتك .

عشق مدت ايديها .. انا اكتر .

مراد وعشق حاسوا ب قشعريرة بتمشي فى جسمهم .

آدم ..يلا يا مراد نقعد فى المكتب بتاعى شويه .

مراد بتوتر..ماشي تمام.

راح مراد مع آدم بس مكانش مركز كان سرحان فى من أسرته عينها .

دخلت عشق فى الوقت دا .

عشق ..اسفه يا دكتور آدم مكنتش اعرف ان لسه عندك استاذ مراد .

مراد قام من مكانه ..استاذ مراد لا مش حلوة خالص.

آدم قاطعه ..تعالى يا عشق كنتى عايزة ايه .

عشق باحراج ..ممكن تمضى على الورق دا .

آدم..تمام .

وخده ومضاه

عشق ..طب استأذن انا .

آدم..ماشي يا عشق.

خرجت عشق ومراد متابعها بعيونه

مراد ..همشي انا بقا يا آدم .

آدم..ماشي يا مراد بس الزيارة ديه متتحسبش خالص .

مراد.. حاضر هبقا اجيلك يا آدم كتير .

آدم ..تمام وانا فى انتظارك .

مراد مشي وهو سرحان فى عشق ولما كانت فى حضنه واول مرة يبقا مشدود لبنت كده مراد فاق وقال لازم تفوق يا مراد كلهم زى بعض ايوة كلهم زى بعض معادا هى ايوة معادا هى تليفونه رن وكانت شاهى .

مراد علشان يثبت لنفسه ان كلهم زى بعض قال يروح لشاهى ويقضي معاها يومين .

مراد ..الو يا شاهى انا جاى فى الطريق .

شاهى ..ماشي يا حبيبي مستنياك .

مراد راح لشاهى البيت بس لما جه يقرب منها افتكر عشق و مقدرش يعمل حاجه وبعد .

شاهى ..فى ايه يا مراد .

مراد قام من جمبها ..مش هقدر يا شاهى انهاردة انا مش فى المود وسابها وخرج .

شاهى استغربت بس متقدرش تتناقش مع مراد علشان عارفة إللى ممكن يحصلها .

مراد روح اقعد يفكر هو ليه مقدرش يقرب من شاهى وافتكر عشق وفضل سرحان فيها لحد ما نام .

استنوا الفصل الجديد ان شاء الله قريب

روايه اوقعتنى فى حبها

للكاتبة/ اسراء محمود