البارت (٧)
1199 Words
رواية عش*ي الاول والاخير (مرات الظابط٣)
بقلم/نورا عبد الرؤوف
الحلقة(٧)
في الصباح عند نورهان وزين
نورهان:يلا يا عيال اصحوا الباص زمانة علي وصول
يلا يا زينة يا روحي اصحي
زينة: سبيني شوية بس يا مامي
نورهان: لا يا قومي
وقومتها بالعافية
زين الصغير: ادم
ادم يلا اصحي
ادم: لسة بدري يا زين
زين: لا مش بدري الباص زمانوا جاي يلا
عشان اروح اصحي سليم وسيف
ادم قام من النوم: انت متعود تصحي بدري كدا وتصحي اخواتك
زين: ايوة
ادم: احنا نايمين امبارح متأخر عرفت تقوم اذاي
زين: اتعودت بقا يلا قوم ادخل الحمام عمى اروح اصحي سيف وسليم
ادم: ماشي
زين راح أوضتة سيف وسليم وفتح الشبابيك وشال الغطاء من عليهم
سيف: يا دي ارف كل يوم
يا اخ زين والله احنا زهقنا منك سبنا كمان شوية
زين: ولا ثانية يلا كل واحد يقوم يلا
يلا يا سليم قوم انا عارف انك عامل نايم
سليم: باين عليا
سيف: اووي
زين: يلا قوموا
زين نزل تحت عند نورهان وزين
زين: صباح الخير
نورهان: صباح النور يا قلب مامي
زين الكبير: صباح النور
نورهان: تعالي يا زين يلا ساعدني في السندوتشات بتاع اخواتك
زين: حاضر يا مامي
بعد دقائق ادم نزل
ادم: صباح الخير
نورهان وزين: صباح النور
نورهان: يلا يا آدم تعالي أفطر
ادم: لا مش عايز
زين: الكلمة تتسمع يا استاذ ادم هتفطر وتشرب اللبن كمان يلا
سيف: صباح الفل والياسمين علي عيون نورهان
نورهان: بكاش
سيف وهو بيبوسها: بس بموت فيكي يا بطتي
نورهان: اسكت عشان ابوك عينة بطلع شرار منك
سيف بص علي ابوة لقي أنه بيبصلوا بغضب
سيف: صباح الخير يا حج
زين بغضب: اهو صباح زي وشك
سيف: دا هيبقي صباح قشطة
نورهان: يلا يا سليم اقعد افطر
زين الكبير: زينة يلا تعالي افطري
زينة: نازلة اهو يا بابي
سيف بيبرطم: نانوسة عين بابي
زين : بتبرطم تقول اي
سيف وهو بياكل البيض: بقول منور يا حج
زين بق*ف: كول اللي في فمك الاول
الباص وصل
نورهان: ملحقتيش تفطري يا زينة
استني بقا اعملك ساندوتش
زينة: لا مش عايزا يا مامي
زين: طب وعشان خاطر بابي
زينة: اكيد هاخدوا
نورهان: يعني ليكي خاطر لبابي ومامي لا
زينة وهي بتبوسها من خدها: وخاطر مامي كمان
يلا باي
نورهان: باي يا قلبي
عند مريم في البيت
مريم: حازم حازم
حازم: انا صاحي يا مريم منمتش اصلا
مريم: عارفة يا حبيبي
إن شاء الله خير
حازم: هاخد شاور والبس اهو
مريم: ماشي عمي احضلك الفطار
حازم: لا مش عايز ماليش نفس
مريم: خلاص اعملك ساندوتش صغير بس عشان خاطري
حازم ابتسم: ماشي يا مريم
مريم دخلت المطبخ حضرت السندوتش لي حازم ومج النسكافيه
ودخلت الاوضة تلبس وتلبس ليلي
مريم: يارب خير كل اللي جاي
عند نور وأحمد
احمد: نور يا نور يا نوارة
نور بنعاس: نعم يا احمد في اي
احمد: صباح الفل يا قلبي يلا قومي بقا نمتي كتير انتي
نور: صباح النور منمتش كتير ولا حاجة لية هي الساعة كام
احمد وهو بيبص في الساعة اليد: الساعة ١٠صباحا
نور بخضة: يالهوى العيال اتاخروا علي المدرسة
احمد: العيال مشت من زمان
نور: انت اللي صحتهم
احمد: ايوة
نور: طب والاكل
احمد: انا عملتلهم كل حاجة جوزك شاطر
نور : ربنا يخليك لينا يا حبيبي
بس اي النشاط دا كلة
احمد: عادي لقيت نفسي صحيت الساعة٦صباحا
قولت اسيبك نايمة عشان نايمين متأخر واعمل انا السندوتشات لي نوسيلة وحور
نور: اشوفك سعيد
احمد وهو بيبوس ايديها: طول ما انتي معايا هكون سعيد يا نوراة حياتي انتي
نور: انا كدا هاخد علي الدلع دا
احمد: خدي برحتك يا روحي
يلا روحي خدي شاور عمي أحضلك احلا فطار
نور: هتعبك معايا
احمد: تعبك راحة ياحبيبتي
يلا قومي بس
نور: حاضر
حازم: خلصتي يا مريم
مريم: ايوة يلا
حازم: طب ممكن نتأخر الأولاد ممكن يجوا هنا
مريم: هرن علي نورهان تخليهم عندها
حازم : ماشي
مريم رنت علي نورهان
مريم: الو يا نورهان عاملة اي
نورهان: الحمد الله انتي عاملة اي
مريم: تمام الحمد الله
بقولك يا نورهان ممكن تخلي قصي و ساندي عندك انهاردة
نورهان: تمام ماشي هرن علي السواق هقولوا يجبهم هنا
بس لية في حاجة
مريم: راحة انا وحازم نكشف علي ليلي
نورهان: مالها سلامتها
مريم: تعبانة شوية
نورهان: لما تيجي ابقي طمنيني أو تعالي اتغدي عندنا وهكلم البنات كمان
مريم: ماشي ربنا يسهل يلا باي
نورهان: باي يا حبيبتي خدي بالك من نفسك
حازم: يلا اركبي
مريم: ماشي هنروح دلوقتي انهي دكتور
حازم: الدكتور بتاعها
مريم: تاني يا حازم
حازم: هنتأكد بس يا مريم
مريم: ماشي ربنا يستر
حازم: خير ان شاء الله متقلقيش
مريم: يارب
نورهان ونور وهايدي كانوا بيتكلموا فديو كول
نور: عاملين اي يا بنانيت وحشني والله
نورهان وهايدي: وانتي كمان والله
نورهان: بكلنا كتير مقعدناش مع بعض
اللي انتي يا نور دا انتي مقيمة عندي
نور: متشكره يا صحبتي
هايدي: طب ماتيجوا نتقابل
نورهان: انا برن عليكم كدا كدا عشان عزماكم علي الغدا
مريم هتسيب عيالها عندي قولتلها خلاص تعالي اتغدي عندي وهكلم البنات
نور: لية هي راحة فين
نورهان: راحة تكشف هي وحازم علي ليلي بتقول تعبانة
هايدي: هي لسة مرحتش تكشف عليها انا كلمتها قولتلها تروح من بدري
نور: لية هي عندها اي
هايدي: بتقول بتسخن وشفايفها بتزرق مش عارفة بقا
نور: خير ان شاء الله ربنا يطمنها عليها
نورهان وهايدي: امين يارب
نورهان: يلا روحوا البسوا عشان لسة هنفكر نعمل اكل اي ومتغبوش
نور: اشطا يلا باي
هايدي: باي
في المدرسة
زين وسيف وآدم وسليم عمر (ابن مرام) وأسر(ابن سارة)
كانوا بيلعبوا كورة في الملعب
وكانت نوسيلة وزينة وحور وساندي وروچينا بيتف*جوا عليهم
سيف: أشقط هنا أشقط
ياااغ*ي قولتلك اشقت هنا
سليم: المرة الجاية
ادم: جووووون
سيف: هو اي اللي جون لا مش جون
ادم: والله جون
سيف اخد الكورة حدفة
نوسيلة:ااااه ياغ*ي
زين جري: في اي وريني عينك حصلك حاجة
نوسيلة: مش عارفة افتحها
زين بخوف: طب تعالي اود*كي عند الدكتورة
سيف: يا حنين هي لمستها اصلا دي بتدلع
زين: حسابك معايا بعدين
مريم بعياط: بنتي هتروح مني يا حازم
حازم: بعض الشر هنا يا مريم إن شاء الله هتعمل العملية وهتكون بخير
تعالي اود*كي عند نورهان عشان اروح اشوف حجز الطيارة امتي
نور: طب ما نعمل بطاطس وأرز وفراخ
نورهان: لا لا مش عاجبني عايزا أكلة جامدة كدا
نور: هو في اجمد من كدا
الجرس رن
نور: روحي شوفي يا هايدي مين اللي بيرن
هايدي: طب روحي انتي الله
نور: م**لة
هايدي: طول عمرك يا نور
حاضر استني يلي علي الباب
نور: صحيح هي فين الشغالة
نورهان: ودتها عند مامت زين عشان اللي كانت هناك تعبانة
نور: تمام
هايدي: اهي مريم جات اهي
نورهان: مريومة وحشااااني
مريم اترمت في حضن نورهان وفضلت تعيط
نورهان بخضة: بس بس في اي مالك
مريم بعياط: بنتي هتروح مني يا نورهان
نور بقلق: في اي يا مريم
مريم حكت اللي حصل
هايدي: انا قولتلك من يومها روحي اكشفي علي بنتك عند دكتور تاني
مريم: حازم مكنش راضي
نور: إن شاء الله خير يا مريم والطب اصلا أتحدث كتير
نورهان: متقلقيش يا مريم خير
مريم: يارب
هايدي: طب هتسافروا امتي
مريم: مش عارفة لسة حازم رايح يشوف الطيران
نور: خير يا حبيتي متقلقيش
مريم: يارب
نورهان: انا مش هعمل اكل تعالوا نتغدا برة وانا اللي عزماكوا
نور: طب والرجالة يا ختي
نورهان: عادي ياكلوا جبنة وشيبسي يلا تعالوا نروح
نور: اشطا يلا
بعد ساعات البنات راحوا مطعم ماك وفضلوا يهزروا ويرجعوا زكريات زمان
تلفون نورهان رن
نورهان: الو يازين
زين بعصبية: تعالي حالا اهو يا هانم
نورهان: في اي
زين: تعالي شوفي النصيبة اللي عيالك عملوها
نورهان: نصيبة اي
زين: تعالي وانتي تعرفي يلا بسرعة
الحلقة خلصت اتمني تعجبكم وتوقعتكم في اللي جاي
#نوووووووووووووووور
- Writer
