NAGISING ako sa tila amoy ng rosas? Dahan-dahan kong idinilat ang mga mata. Napanguso ako nang hindi ko matagpuan si Nathan.
Sumilay ang kakaibang ngiti sa aking mga labi ng mapansin ko ang ilang petals ng kulay puti at pulang rosas sa aking hinihigaan at sa marmol na sahig patungo sa may pinto.
Ano na naman kaya ang pa-andar nitong si Nathan? Ang totoo, bigla akong kinabahan na may kalakip na excitement.
Nag-inat muna ako bago tuluyang bumangon mula sa malambot na kama. Nagpasya na akong tumayo at tinungo ang banyo para maligo. Binuksan ko ang pinto at pumasok sa loob, agad na itinapat ang sarili sa shower para magising na ng tuluyan ang aking diwa.
Pagkatapos kong maligo ay binalot ko ang kahubdan ng puting towel. Lumabas agad ako mula sa banyo at tinungo ang mala-higanteng wardrob
