LIEGH
"Gasolina?" hindi makapaniwala na tanong ko.
Tumango si Ninang Nalinda kaya biglang bumangon ang matinding galit sa puso ko. Totoong may masamang nangyari sa pamilya ko at sigurado akong may kinalaman dito ang kampo ni Mayor Lamisarez dahil bago nangyari ito ay sinabi na ni mama ang banta ng mga ito sa buhay nila.
Ang bilis ng mga pangyayari, ilang araw lang ang lumipas tapos heto, wala na sila tapos iniwan akong mag-isa.
"Ninang, pwede mo po ba akong samahan sa sementeryo?" luhaan at halos hirap makapag-salita na tanong ko.
"Sige anak, pero kaya mo na bang bumangon?" puno ng pag-aalala na tanong ng ninang ko.
"Opo, kakayanin ko po," determinado na sagot ko.
Gusto ko silang makita kahit libingan lang nila. Nahihirapan akong i-proseso sa utak ko ang masamang balitang natangga
