Natawa ang asawa ko ng irapan ito ng kapatid. Kahit paano gumaan na ang pakiramdam ko lalo na at maayos naman ang usapan namin at hindi na ako tinatanong ni Declan.
Kilala ko ang asawa ni Amara, kamakailan lamang ay laman ito ng balita at naging kontrobersyal. Minsan ko ng nabasa ang pangalan niya sa publishing house ng makita ko sa table ng officemate ko na siyang kumuha sa atensyon ko.
"Mas gwapo pala siya sa personal," kausap ko sa sarili ko.
"Who?" tanong ni Declan na malapit na pala ang mukha sa leeg ko.
"Ha? Ah, wala," nag-iinit ang mukha na sagot ko.
Kita ko kung paano nag-salubong ang kilay ni Declan. Tumiim din ang bagang nito at naging pormal ang mukha.
"Hindi ko gustong tumitingin ka sa mga lalaking narito. Is that clear, Liegh?" mariin na sabi ni Declan sabay pisil ng mas
