Sigurado akong hindi lamang isa ang mga taong narito ngayon base sa ingay na naririnig ko, kaya lalo lamang akong nakaramdam ng takot. Alam kong aalis rin sila kapag nakuha na ang gusto at
kaya pinili kong manatili sa masikip na sulok kung saan ako nagtatago.
"Ano nakita n'yo?" malakas na tanong ng lalaki sa mga kasama na sinagot naman ng dalawang lalaki na hindi daw.
"Hanapin n'yo sa labas, tawagan n'yo agad si boss kapag nakita n'yo na siya," utos pa ng lalaking sa tingin ko ay pinuno ng grupo.
"Sir, wala po dito," narinig ko pa na sabi nito, mukhang may tinawagan nito ang amo.
Sa tingin ko, ako ang hinahanap nila kaya kahit umagahin ako dito sa sulok ay hindi ako lalabas. Mabuti na lamang talaga at naisipan kong 'wag umakyat sa taas at manatili sa silid dahil tama ang instinct ko
