BUMALIK na sa bahay ang dalawa nang marinig nilang dumating na si Mang Ernesto. May sasakyan kasi ang mag-asawa na malayang nagagamit mula kina Tarah at Lukey. Para hindi na mahirapan ang mga ito na kumuha ng masasakyan kapag bumababa sila sa bayan. Kaya naman tinuruan pa ni Lukey si Mang Ernesto na magmaneho.
“Kumusta kayo dito?” tanong nito na malingunan ang dalawang babae na nagmula sa likod ng bahay.
May dalang basket ang asawa nito na may mga dalang gulay habang si Nicolette naman ay may dalang mas maliit na basket na may lamang strawberry at ubas.
“Maayos naman kami dito, langga. Sila na ba iyong magbabantay sa atin?” tanong ni Aling Belen na masulyapan ang nasa sampung lalake na nasa labas ng bahay.
Naka-all black pa ang mga ito na formal ang suot at may nakasuot na earpiece
