MASAYANG nagtanghalian ang apat habang nagkukwentuhan. Giliw na giliw namang nakikinig si Nicolette sa kwentuhan ng tatlong matatanda at natutuwa ito na magkakasundo ang mga ito.
“Ikaw, apo, saan mo nakilala ang mapapangasawa mo sana?” tanong ni Aling Gloria kay Nicolette.
Nasa rooftop ang mga ito. Minamasahe ni Aling Gloria ang dalaga sa buong katawan. Nakagawian na niya noon pa man ang paghihilot. Kaya sa tuwing nabubugbog noon si Nicolette ng kanyang ama, si Aling Gloria ang umaasikaso dito para maibsan ang kirot ng katawan nito.
“Sa party po na dinaluhan namin ng papa, Nay. Ang totoo niya'n, iyong ama ni Sixto at si papa, magkaibigan ho sila. Kaya nireto nila si Sixto sa akin at pinayagan ito ng papa na manligaw sa akin. Isang buwan pa lang kaming lumalabas ni Sixto nang ayahin n
