Nang masiguro ni Joanna na mahimbing na ang tulog ng anak ay muli siyang bumangon. May pagmamahal niyang hinaplos ang buhok nito at hinagkan sa noo.
Kadarating lang nila ni Dean kaninang tanghali. Pagkatapos na pagkatapos siguruhing mabigyan ng hustisya ang nangyari sa kanila sa Boracay ay nagyaya na si Dean na umuwi. At nitong gabi lang ay tumawag sa kaniya ang nobyo. May development na kaagad sa kaso. Posible raw na kidnap for ransom o kalaban ni Dean sa negosyo ang dahilan ng pamamaril sa kanila. May mga witness daw kasing nakausap ang kapulisan. At nagsasabing bago raw ang pangyayari ay may nagtanong na lalaki tungkol sa identity ni Dean. Kung ito raw ba ang sinasabing bilyonaryo.
May ibang witness din daw ang nagsabi na bago rin nangyari ang pamamaril, may narinig siyang lalaki na m
