"Mabuti naman at maganda pa rin ang gising mo. Kagabi kasi maya maya ang ungol mo tapos pagising-gising ka." Natigil sa pagsusuklay si Joanna nang marinig ang boses ni Dean. Katatapos lang nilang maligo. "Napasigaw ka pa nga, eh. 'Buti na lang nakatulog ka rin 'agad nang haplos-haplusin ko ang buhok mo."
Muling natigilan si Joanna. Himalang nakatulog siya 'agad sa simpleng paghaplos lang ni Dean. Samantalang siya, sa tuwing nangyayari 'yon ay hindi na siya nakakabalik pa sa pagtulog. Kung nakakatulog man siya ulit iyon ay kinailangan pa niyang uminom ng hard liquor.
Puno ng pait na ipinikit ni Joanna ang mga mata. Isa iyong panibagong bangungot na hindi niya alam kung gaano katagal niyang pagdadaanan.
"Ano? Papayag ka bang maging tour guide mo ako today?" Pag-iiba ni Joanna ng usapan.
