Parang baliw na sinuyod ni Dean ang bawat bayan na nadadaanan niya pabalik ng Hacienda Ramona, para lang hanapin si Joanna. Pero bigo siya.
Malalim na ang gabi nang makarating ang binata sa Hacienda Ramona. At imbes na umuwi ay sa bahay ng dalaga siya dumiretso, sa pagbabakasakaling madatnan ito doon.
Ngunit nahiya na si Dean na mangatok dahil siguradong nasa loob din si Tiya Doris. Kaya nanatili na lang sa kotse niya si Dean. Sa sobrang pagod at sama ng loob ay hindi namalayan ni Dean na nakatulog pala siya.
Mag-uumaga na nang maalimpungatan siya sa parang ugong ng kotse na narinig niya. Namilog ang kukurap-kurap na mga mata ni Dean nang makita si Joanna na pababa sa kotseng sinusundan niya kanina.
At bago pa man makababa si Dean para sugurin ang driver n'on ay humarurot na ito paali
