سلطان .. ابنك ازاي ياعامر .. ايه الي بتقوله دا
عامر .. دا ابني ياسلطان .. ابني يوسف
سيف .. انت قولت انه مات
عامر .. فاكر وقت وفاه عمك لما روحت البيت واتصلت بيا تقولي ف ناس عند عمي وانا مارضتش اجي وقتها وبعت سلطان وانت فضلت تكرهني طول السنين دي وتتهمني اني كنت عارف ان ف ناس هتقتل اخويا وماحولتش انقذه
سيف .. يابابا دا ماضي .. وانا مش فاهم ايه العلاقه
عامر .. دا كان اول يوم اشوف فيه يوسف ابني .. شاب عنده 20 سنه محبوس ومتصور ومتعذب وقالولي دا ابنك يوسف الي انت مفكره ميت .. عايش ولو عاوز تشوفه تعالي حالا للمكان دا .. روحت ولقيت وقتها ابن *** بيقولي انه لما خ*فه وهو صغير عنده سنتين ماقتلهوش شبه ماقال .. وانه حطه عن واحد من الي بتاخد عيال الشوارع وتربيهم ولحد دلوقت انا ماعرفش الي حصل معاه وهو صغير .. جسمه كله علامات ت***ب ..
سلطان .. اهدي ياعامر وكفايه دلوقت
عامر .. لاء مش كفايه ..
