NANG magising si Ava kinabukasan ay hindi na niya hinintay si Claire na umakyat sa itaas para tawagin siya nito dahil kusa na siyang lumabas ng kwarto.
Hindi naman maiwasan ni Ava ang mapatingin ulit sa nakasarang pinto ni Dimitri. Hindi niya alam kung naroon ba ito o maaga na namang umalis. And she hoping na sinunod nito ang sinabi niyang magpatingin ito sa doctor dahil hindi biro ang sugat na natamo nito kagabi.
Inalis na lang ni Ava ang tingin do'n at nagpatuloy na sa paglalakad hanggang sa makababa siya ng hagdan. Dumiretso siya patungo sa kusina at nadatnan niyang abala sa pagluluto ang mga kasambahay na naroon.
"Oh, Miss Ava," wika ni Claire nang makita siya nito.
"May maitutulong ba ako?" tanong naman niya.
Umiling naman ito. "Kaya na po namin ito, Miss Ava," sagot naman s
