NANG magising si Ava kinabukasan ay wala na si Dimitri sa kanyang tabi. At simula noong tumabi sa kanya ang lalaki ay ngayon lang siya nagising na wala na ito sa tabi niya.
Eh, nitong makalipas na araw, si Dimitri agad ang namumulatan ng mga mata niya pag-gising. Hindi lang iyon, yakap-yakap pa nga siya nito nang mahigpit. Nagpakawala na lang naman si Ava nang malalim na buntong-hininga. Pagkatapos niyon ay tuluyan na siyang bumangon mula sa pagkakahiga niya sa kama.
Pinusod niya ang mahabang buhok in a messybun style at saka siya pumasok sa loob ng banyo at ginawa ang morning rituals niya.
At nang matapos ay lumabas na siya do'n at dumiretso na din siya sa labas ng kwarto niya. Napatingin naman si Ava sa nakasarang pinto sa kwarto ni Dimitri, hindi niya alam kung naro'n ba ito sa kw
