Kabanata 5
"WHAT happened to you, Ian?"
Padarag na umupo si Ian sa sofa sa tabi ng kaibigan niyang si Arianne. T-in-ext siya nito at sinabing nakatambay ito rito sa library ng SVU kaya kaagad niya itong pinuntahan. Wala naman siyang klase kaya heto at nandito siya ngayon.
Hindi niya sinagot ang tanong na iyon ni Arianne at tinanggal ang cap niyang suot-suot. Bawal kasi ang pagsusuot ng cap dito sa loob ng library sa hindi niya malamang kadahilanan.
Alam niya kung bakit iyon kaagad ang tinanong sa kanya ni Arianne. She really looked like a mess. Tila ba hindi siya nakatulog ng sampung taon sa sobrang itim ng paligid ng mga mata niya. Buti nga at hindi na masyadong namumula ang mata niya sanhi ng magdamagang pag-iyak kagabi. Tila ba kasi kagabi lamang talaga na nag-sink in sa utak niya n
