ALAM niyang mali na makaramdam siya ng pagmamahal sa lalaking may asawa na. Kahit pa sabihing walang namamagitan kina North at Selena. Mali pa rin dahil kasal ang dalawa sa papel.
Pero paano ba niya mapipigilan itong nararamdaman niya kung lagi niya itong makakasama? Lalo pa at sinabi na rin nito sa kaniya na gusto na rin siya nito at ayaw na siyang pakawalan?
At gano’n din ang nararamdaman niya. Ayaw na niyang mawala ito sa kaniya. And for once, gusto niyang maging selfish na muna. Ayaw na niyang isipin pa ang kapatid, ang mga ipinapagawa nito sa kaniya at ang mga sinabi ni Arrah, kakalimutan na muna niya.
Mahal niya si North at gusto niyang iparamdam dito ang pagmamahal na iyon sa mga natitirang buwan na magkasama pa sila. At kung darating man na malaman na ni North na hindi siya si
