GABI na ng makauwi si Serena. Kasama rin niya si North na umuwi sa bahay niya. Nagpumilit kasi ito. Pagod na rin siyang makipag-argumento rito, hindi rin naman siya mananalo, kaya pumayag na siya. Natatakot din naman siya na mag-isa sa bahay dahil sa nangyari.
Hindi pa tapos ang kaso niya, maaaring nakalabas siya ngayon dahil sa bail bond. Sobrang nahihiya nga siya kay North nang malaman niya kanina na isang milyon pala ang bail bond niya para lang makalabas sa kulungan.
Sana nga lang mahanap na ang kapatid niya. Ito lang ang makakapagpatunay na hindi siya ang pumatay sa boyfriend nito.
Si Zephieru naman ay naka-check in ito sa isang hotel rito sa Tagbilaran kaya idinaan na lang ito roon ni North. Iyong limang bodyguards naman ni North ay kasama pa rin nila pero pinatuloy na muna ang mg
