TAONG 2009 cont.
"Vianna May," humihingal at bakas ang pag-aalala sa mukha ng aming kapitbahay. "Ang Mama mo!"
"A-ano po ang nangyari kay Mama?" umiyak kong tanong. Napahigpit ang paghawak sa kamay ni Diego.
"Sinugod sa ospital! Puntahan mo na siya." Agad kaming sumakay ng taxi pagkasabi ng aming kapitbahay kung saang ospital dinala si Mama.
Hindi matigil ang iyak ko habang sakay kami ng taxi. Sinisisi ko ang sarili. Kung hindi ko lang ginawa 'yong kanina, hindi sana nangyari ang ganito.
Kung hindi sana ako umalis, may nagawa siguro ako. Naipagtanggol ko man lang sana siya sa hayop kong ama.
Hindi pa man tuluyang nakaparada ang taxi, patalon na akong bumaba mula doon at iniwan si Diego. Dumeritso ako sa information, taranta at umiiyak na nagtanong kung nasaan si Mama. Halos hindi
