Kasabay ng malambing na tawag sa pangalan ko ang yakap mula sa likod. Yakap na napakahigpit. Yakap na naramdaman ko noon mula kay Diego.
Ito 'yong naramdaman ko noong high school kami. Ang yakap na nagsasabing ito na ang huli, hindi mo na ako makikitang muli.
Talaga bang iiwan na niya ako? Talagang susundin niya ang sinasabi ko, at tuluyan na siyang mawawala sa buhay ko.
"Diego... " Sinubukan kong baklasin ang mga kamay niyang nakahawak sa tiyan ko, ngunit lalo lang iyong humigpit.
"Vi, talaga ba na hindi mo ako mahal, hindi mo ako gusto. Kaya mo ba talagang hindi na ako makita kahit kailan, " sabi niya sa garalgal na boses.
Hindi ko alam kung ano ang isasagot ko. Alam ko, at ramdam ko, na gusto ko na ulit siya. Mahal ko na ulit siya. Hindi ko alam kung paano. Kung bakit napakabilis
