Sobrang pagpigil ang ginawa ko na huwag maging dragon at bugahan ng apoy ang kasambahay na feeling close sa boyfriend kong nakabukaka sa harap niya. Kulang na lang upuan niya si Romeo.
Ang sarap din tadyakan ng bayag nitong si Romeo. Gusto rin yata niya ang ginagawa ng babaeng hitad na walang tigil sa pagpunas ng towel sa dibdib niya.
Paigtad na tumingin sa akin ang babae. Hindi niya kasi napansin ang paglapit ko. Enjoy na enjoy nga kasi siya sa ginagawa.
"Anong nangyari?" taas ang isa kong kilay at talagang hindi ko nilubayan ng tingin ang babaeng hitad na hindi naitago ang kaba.
"A-ahhh... ehh... M-miss, natapunan po ng tubig ang dibdib ni Sir Romeo," natataranta nitong sagot.
Napangisi ako. "Hindi ko alam, pati pala ang pagpunas sa basang dibdib ng boss mo ay trabaho mo rin!" S
