"Kristine, kumain ka na." Tiningnan ko ang inilapag na plato ni Paloma sa harap ko na may laman na pagkain. Pasado alas-otso na ng gabi, kanina pa kumain ng hapunan si Paloma samantlang ako ay nanatili lang sa k'warto na tinutuluyan ko rito sa bahay niya.
Mabuti na lang at dalawa ang k'warto ng bahay ni Paloma kaya naman dito muna ako tumutuloy habang nagpapalamig kaming dalawa ni Chris.
Ilang araw na akong nandito, nakakahiya man kay Paloma pero wala na kasi akong ibang mapupuntahan. May pera naman ako para magrenta ng maliit na apartment pansamantala pero hindi naman kailangan dahil uuwi na rin naman ako sa bahay namin. Talagang kailangan lang namin maghiwalay ni Chris para hindi na mas lalong lumala ang away naming magkapatid.
"Aba, hindi ka mabubusog kung tititigan mo lang 'yang pag
