"Ate," tawag sa akin ni Chris isang araw. Napatigil ako sa paglalaba at napatingin sa kinaroroonan niya.
"Chris?" tawag ko. Nakita ko na para bang hindi siya mapalagay at parang may gustong sabihin. Nakita ko rin ang pag-alon ng adams apple niya. Agad na nilunod ng kaba ang dibdib ko dahil baka may problema na naman siya tungkol sa kompanya nila. Tumayo ako at pinunasan ang kamay ko bago lumapit sa kaniya.
"May problema ba, Chris?" nag-aalalang tanong ko.
"Ano kasi, Ate…" Muli na namang umalon ang adams apple niya. Kinakabahan. Hinawakan ko ang kamay niya saka pinisil 'yon.
"Ano ba 'yon, Chris? Magsabi ka sa akin," pakiusap ko. Baka mas lalong lumala ang kalagayan ng kompanya nila. Hindi mawala sa dibdib ko ang kaba.
Tumingin siya sa akin. Nakita ko sa mga mata niya ang kaba. "Magpap
