***Mira POV***
"EH sino naman ang buntis dito sa lugar natin? Si Jessica na anak ni Aling Minyang eh dalawang buwan ng nakapanganak."
"Ewan ko nga. Ilang gabi ding kami ang binubulahaw ng aswang na yun. Mas malala lang kagabi. Pinagmumura ko lang at sinigawan kaya tumigil."
Pagbaba ko ng hagdan ay narinig ko si mama na nakikipag kwentuhan sa dalawa kong tiyahin sa terrace. Kinukwento nya ang nangyaring katatakutan sa amin kagabi. Sa takot nga naming tatlong magkakapatid ay sa kwarto nila ni papa kami natulog.
Pumasok ako sa kusina at kinuha ang tumbler sa ref.
"O 'nak, papasok ka na?"
Nilingon ko si papa na kapapasok lang ng kusina galing sa likod.
"Opo, pa. Maaga po ang unang klase namin ngayon." Sabi ko.
Dumukot naman si papa sa bulsa ng maong short nya. Inabutan nya ako n
