(Claudia)
Nakatitig lang ako kay Alfred. Parang may bumara sa aking lalamunan at hindi ako makapagsalita. Mabanaag ang sobrang pagkaalala sa kanyang mga mata na may halong galit.
"Bakit ayaw mong magsalita, Claudia? Sabihin mo sa akin-- kung sino ang nanakit sayo. Galit ako, Claudia. At sa tingin ko, papatay ako ngayon ng tao."
Tumatayo ang aking balahibo sa sinabi ni Alfred. Para syang isang nakakatakot na nilalang. Ang kanyang mga mata ay nanlilisik na tila suklam na suklam sa kung sino.
"Ang Lance ba yon ang may gawa nito sayo? Sabi ko na nga ba, sana pinatay ko nalang ang lalaking yon."
Hindi ko parin natagpuan ang aking mga salita, mabuti nalang at nagsalita si Gio.
"Hoy Alfred, masyado kanang OA. At saka, sabi ko nga ba, ikaw ang dahilan kaya hanggang ngayon, nasa hospital par
