(Claudia)
Abot tainga ang ngiti ko ngayon, habang nakikinig sa kwento ng aking anak. Ganito sya lagi, mahilig syang magkwento sa abot ng kanyang makakaya sa mga nangyari sa kanya sa buong araw, partikular na ang ginagawa nya sa paaralan. Kahit pa minsan nauutal sya at minsan hindi ko maintindihan ang kanyang salita. Nasa may sala kami at nakakandung sa akin si Princess, nakaupo ako sa mahalagang sofa.
Mabuti nalang at maaga akong nakauwi ngayon. Gagabihin kasi masyado si Gio dahil may tinatapos na project ang kompanya nito at kailangan mag- overtime ng team nito. Isang printing and publishing company ang kompanyang minamanage ni Gio.
Mayamaya lang, kinarga ko ang aking anak. Papanhik na kami sa second floor ng bahay para paliguan na sya at nang makatulog na kaming dalawa.
"Mommy, whe
