"Where were you yesterday that you didn't go to work?" Pag-upo ko pa lang sa sariling swivel chair ay yun agad ang tanong ni Yula. "Hindi mo ba alam na hinanap ka ni Sir Aliston kahapon?"
Nakakunot-nuo akong tumingin sa kaniya. "Bakit niya naman ako hinahanap?"
"Wala ka raw kasi, may sasabihin daw sana."
"Ah, may pinuntahan lang ako kahapon. Na-late kasi ako ng gising."
"Palagi naman." Hindi na niya ako pinansin at uminom na lang ng kape.
7 am ang pasok ko pero 6:30 pa lang nandito na ako, babawi kasi absent kahapon at mababawasan na naman ang sahod ko. Nagsidatingan na rin sina Mara at Drus na may dalang kape at cake galing sa baba. Pinagsaluhan naming apat yun dahil hindi pa naman nagsisimula ang trabaho.
"Oh, Evergreen bakit ka absent kahapon?" Huling dumating si ma'am Ric dahil n
