EPISODE 38
Maaga akong nagising dahil sasabay ako kay Primo papunta sa opisina nito. Wala akong duty ngayong araw dahil salitan na kami sa hospital lalo na at patapos na rin itong duty ko sa roon. Ilang araw na lang din at aalis na si Primo kaya habang papalapit nang papalapit, mas lalo akong nalulungkot.
“Love, kelan nga ulit ang alis mo?” pagtatakang tanong ko kay Primo habang nasa sasakyan niya kaming dalawa.
Hindi lang kasi ako sanay na wala si Primo sa tabi ko. Alam kong ilang linggo lang naman siyang mawawala pero pakiramdam ko ay daig ko pa ang isang girlfriend na iniwan ng kaniyang boyfriend para sa ibang babae—na huwag naman sanang mangyari.
Bahagya namang napangiti sa akin si Primo at hinawakan ang kamay ko. “I know why you’re asking, love. If only I could bring you to London
