✿♡ TATE DE LUNA ♡✿
ISANG LINGGO na ang lumipas simula nang mailibing ang lola ni Lily. Si Lily naman ay pansamantalang nasa pangangalaga ng DSWD. Bukal na sa loob niya ang naging pagsama roon dahil nag-usap naman kami. Ang sabi ko sa kaniya noong pagkatapos ng libing ng lola niya ay pansamantala lang siyang mananatili roon. Nangako ako sa kaniya na babalikan ko siya sa oras na makabalik sa bansa si mama.
Nasa New Zealand kasi siya ngayon, ilang araw na siya roon at ayokong iuwi na lang basta si Lily sa condo niya nang hindi niya alam at hindi dinadaan sa legal na proseso. Dahil kung may natutunan man ako sa mga nakaraan, iyon ay ang paggawa sa maayos na paraan. Dahil naisip ko, kung basta ko na lang kukuhanin si Lily at iuuwi sa bahay nang hindi idinaan sa legal na proseso ay baka magkar
