Bing Fernandez
"S-sir! Sir, si Bing po ito!"
Pero nabigla na lang ako nang kinabig ni Sir Lucio ang batok ko at sininghot ang leeg ko.
“Ang bango mo! I want you!” sambit ni Sir Lucio.
“OMG!”
Para akong hihimatayin sa ginawa ng amo ko.
Pinilit kong umahon sa ibabaw ni Sir Lucio kahit na naunahan na ako ng kaba. Mabuti at nakakilos ako kahit parang nanlambot ang buong katawan ko sa paglalapat ng katawan namin.
Mabuti na lang din at walang lakas si Sir dahil sa pagkalango sa alak at nakabangon ako.
Diyos ko! Nahawakan ko na ang dibdib ni Sir Lucio! Parang hindi na malilimot ng sistema ko kung gaano katigas 'yon. Paano pa ako makakatulog mamaya nito?
"Sheila! Ang bango mo!" anas ni Sir Lucio.
Kumakawag pa ang kamay nito at hinahanap ako. Hirap na siyang dumilat dala ng kalasingan
