Bing Fernandez
“Gumagalaw na s’ya, Doc!”
Nauliningan ko agad ang nag-aalalang boses ng isang lalaki. Kahit nakapikit ako ay kilala ko ang boses na ‘yon. Ang kaibigan kong si Gabriel.
Hindi ko pa maidilat ang mga mata ko. Parang namamaga pa kasi at malamang na dahil sa labis na iyak, pagod at puyat.
Naramdaman ko na may humawak ng mahigpit sa kamay ko.
“Bing… gising na, please. Nandito na ako. Hindi kita iiwan.”
Marahan kong dinilat ang mata ko. Bumungad agad sa akin ang gwapong mukha ni Gabriel.
“G-gab?” Akmang babangon ako nang mapangiwi ako sa sakit ng ulo ko.
“Bing… magpahinga ka muna.” Inalalayan ako ni Gabriel na mahiga uli.
Napahawak ako sa ulo ko at napansin ko na naka-benda na ‘yon. Bigla ko tuloy naalala na may humahabol sa akin na masasamang loob bago nabangga ng k
