Nakita ko si Raiza na mag-isang nakaupo sa lamesang malapit sa harap ng stage. Nagmamadali akong lumakad papunta sa puwesto niya. Pero habang papalapit ako ay napansin ko agad ang malungkot niyang mukha.
“O? Bakit mukhang nalugi iyang hitsura mo?” bahagya pa siyang nagulat nang marinig ang tanong ko. Pagkatapos ay bumeso siya sa akin at saglit akong niyakap. Naupo ako sa upuang nasa tabi niya.
“Miss ko na si Stan,” nakangusong pahayag niya. Mariing napaglapat ko ang mga labi ko para pigilan ang mapangiti. In love na nga talaga itong bestfriend ko. Sabagay, sino ba namang hindi mahuhulog kay Stan.
“Pareho lang naman tayo. Miss ko na rin si Ram. Kaya lang, alam mo na, wala akong karapatan kasi ex na nga lang ako,” sang-ayon ko sa kaniya. Gulat siyang tumingin sa akin pero bigla ring nagba
