Leahbel’s POV
“Bel, may buko halo-halo doon sa isang puwesto. Tara do’n!” yaya sa akin ni Amanda. Bukas pa magsisimula iyong mga pa-games kaya namamasyal muna kami sa ilang lugar dito para mamili ng mga souvenir.
“Okay. Wait bayaran ko lang ito,” kasalukuyan kasi akong bumibili ng mga pasalubong ko kina mommy at daddy. Siyempre pati na rin kay Raiza at sa iba ko pang mga kaibigan.
“Bakit kasi ang dami mo na agad binili? Ang dami mo na tuloy bitbit. Akin na iyong iba para hindi ka mahirapan,” sita niya sa akin saka kinuha ang ibang dala-dala ko.
“Para wala na akong poproblemahin. Baka kulangin na rin tayo sa time kapag sa last day pa tayo mamimili. Ang dami kaya ng activities na nasa matrix,” katuwiran ko naman pero umikot lang ang mga mata niya.
Halos puno na iyong restaurant na pinu
