"السكة شمال" بقلم /لولو_محمد

الحلقه الثامنه

((((((((((((((السكة شمال )))))))))))))))

#لولو_محمد

الحلقه الثامنه

مرام تروح تفتح الدرج و تقلب فيه تلاقي فلوس

مرام / من امتي بتحطي الفلوس هنا يا تيته

سميحة / فلوس ايه

مرام / دي

سميحة تقوم و تبص عالفلوس و تبص لمرام مرام ترمي الفلوس فالدرج و تدخل تجيب موبايلها

سميحة / استني بس

مرام / مين غيره حيوان يعمل حاجه زي دي

................................

سميحة / اكيد مكنش يقصد

مرام / انتي ليه بتدافعي عنه اوي كدا شايفه فيه ايه قوليلي

سميحة / انا مبدافعش عنه هو غلط بس نعرفه غلطه بالراحه

مرام / الغلط مش عليه الغلط عليا انا اني دخلت الاشكال دي بيتي هو فاكر نفسه ايه هاه

سميحة / ميمكن مش هو

مرام / لا هو محدش دخل شقتنا غيره الا بقي لو في حرامي دخل و احنا مش موجودين و لما ملقاش حاجه ي**قها صعبنا عليه سبلنا فلوس انا بجد هطق

سميحة / طب اهدي بس مش مستاهله

مرام / لا مستاهله انا همسح بكرامته الارض

سميحة / هو الكلب لو عضك هتعضيه رجعيله فلوسه بالادب و خلصنا

مرام / لا مش هعضه بس همسك خشبه و انزل فوقيه ض*ب

سميحة / يا مرام استني بس

مرام تتصل بالتليفون

مرام / غير متاح البيه قافل موبايله مش مهم الصباح رباح

سميحة / يا بنتي

مرام / انا داخله انام تصبحي علي خير

مرام تدخل الاوضه و تقفل الباب

...........

في الفيلا

لبني / لا بس العشا كان جامد بجد النهرده

رساله توصل لموبايل زياد

لبني / مين

زياد / رقم غريب .... مازن شكله عملها بجد و غير الرقم تاني

لبني / قول عاشر عشرين

لبني تبص فموبايلها

زياد / انا مش فاهم هو يعني هيخلص من زن البنات لما يغير النمره مهم هيجيبوها برده

لبني تبص فالموبايل تاني و تنفخ

لبني / انت كنت بتتكلم مع مازن فايه قفشتوا ليه سوا

زياد / مش حوار يعني بعاتبه عشان ساب الامتحان و كدا

لبني / من امتي بتكدب عليا من امتي الامتحانات بتفرق معانا و متقوليش بقي عشان الفلوس اللي المعيد خدها عشان برده من امتي الفلوس بتفرق معانا

زياد / ايوه بس بابا

لبني / بابا!!! يابني انكل عمره مهيعمل حاجه لمازن اخره يتشطر عليك انت و علي مامتك لكن مازن مبيتلمسش عارف ليه اولا عشان مازن مش محتاجله و لا محتاج لفلوسه ورثه من مامته مكفيه و زياده و ثانيا عشان انت مش ابنه

زياد / هو احنا مش هنخلص مالموضوع ده بقي و لا ايه

لبني / لا هنخلص انا مروحة

زياد / لبني استني

لبني / استني ليه عشان تكدب عليا و لا تكون فاكر اني مازن هتتخلق عليا و اسكتلك

زياد / لا فاكر انك لولي بتاعتي اللي بتحس بيا و عمرها متسبني و انا داون ابدا

لبني / هو الباشا مش ناوي يبعتلي رقمه و لا ايه

زياد / و يبعتهولك ليه مهو عارف انك معايا و هديهولك

لبني / ماشي

.....................

تاني يوم فالكليه

محمود / طب افهم ايه اللي حصل

مرام / متشغلش بالك بس

محمود / هو ايه اللي مشغلش بالي من ساعه مالناس دي دخلت حياتنا و كل حاجه اتلخبطت

مرام / يبقي جه الوقت انهم يخرجوا

محمود / طب و البروجكت

مرام / انا كان ممكن اخلص البروجكت لوحدي فكره تقسيم الشغل و مراجعته بيضيع وقت لان مفيش تيم ورك و لا زفت انا هكمل لوحدي

محمود / و انا معاكي بس افرضي اشتكونا للدكتور

مرام / مدام مش هنقول انهم مشتغلوش مهيصدقوا

محمود / ماشي بس برده عاوز اعرف ايه اللي حصل لكل ده

مرام / مش قولتلك متشغلش بالك المحاضره التانية هتبدا و البهوات لسه مجوش

محمود / معنهم مجم متعصبنيش بقي

مرام / انت بتزعقلي ليه اقولك مش حاضره اوعي

مرام تسيب محمود و تمشي و هو مزهول ماللي حصل

..............

في الكافيتريا

انس /انا نفسي افهم بس بنيجي كل يوم ليه مدام مبنحضرش

زياد / ياض هو لا محاضرات و لا كافتريا هو احنا كفره اوي كده ههههههههههههه

لبني /هههههههههه مازن اداكوا رقمه الجديد

نورا / انا كنت معاه امبارح اصلا و هو بيشتريه

انس / امتي ده هو مش كان قافش

نورا / و هو لما بيقفش بيعمل ايه بيقفل علي نفسه الخن السري ولما بيطلع بيكلمني

لبني / انا مش فهماكي يا نورا بصراحه

نورا / ليه

لبني / هو احنا مش اتفقنا منديلوش وش بعد اللي عمله

نورا / و هو كان عمل ايه لكل ده انه كان جنتل مان مع مرام يعني

لبني / احنا هنعيده تاني

نورا / مازن زعلان جدا من زيزو و ده بسببك يا لبني

لبني / انا !!! قولي اني بوقع بينهم كمان

نورا / مقولتش كدا بس

زياد / زياد ملوش راي و لبني اللي بتمشيه مثلا

نورا / لو مش هتدوني فرصه اتكلم يبقي اقوم امشي

انس / اهدوا يا جماعه في ايه

لبني / متشوفها بتقول ايه

انس / بتقول انك اديتي مرام اكبر من حجمها احنا محتاجينها عشان البروجكت و مازن احسن واحد فينا يقدر يثبتها

نورا / و زياد ادايق عشانك لانها مش بتعاملك حلو فزعق لمازن و مهانش عليه يكلمه او يصالحه حتي بعد مبعتله رقمه الجديد زياد مداش اي رده فعل

زياد / عشان انا زعلان

نورا / ليه عشان الامتحان مازن ساب فاينال قبل كدا و مراحوش عشان كان سهران مع واحده السنه قبل اللي فاتت و لا نسيت

مازن / مكنش بابا

نورا / كلنا عارفين ان انكل عمره مهيرضي عن مازن حتي لو طلع الاول فهيفرق فايه و بعدين مانت مدبلر اهو و مبتحضرش فرقت ايه

لبني / نورا كفايا ست الحسن جايه

مرام تدخل

مرام / صباح الخير

نورا / صباح النور

لبني / خير

مرام / بكلم مازن تليفونه مقفول هو مجاش النهرده؟؟؟

لبني / خير في حاجه

مرام / موضوع شخصي

لبني / تعالي يا مرام ثواني

لبني تشد مرام علي جنب

مرام / في ايه

لبني / مش بتقولي موضوع شخصي احكيلي يمكن اقدر اساعدك

مرام / اولا انا موجهتلكيش كلام انا كنت بكلم زياد اخوه

لبني / يا بنتي انا عامله عليكي احنا بنات زي بعض و انا عارفه مازن و عمايله كويس

مرام / مش فاهمه قصدك

لبني / يعني لو في حاجه كدا و لا كدا نلحق نلمها قبل متكبر و تبقي فضيحه

مرام تض*ب لبني بالقلم علي وشها و الكل يقوم يحوش

مرام / انتي فاكره كل الناس زباله زيك

لبني / انتي اتجننتي يا بنت الشحاتين انا هدفعك تمن القلم ده غالي اوي اما خليتك تبوسي رجلي مبقاش انا لبني

مرام / اعلي مفخيلك اركبيه بلا ق*ف اوعوا

مرام تمشي

نورا / انتي قولتلها ايه

لبني / اوعي كدا انا ماشيه

لبني تمشي زياد يجري وراها

انس/ ولعت

نورا / عن اذنك

نورا تمشي ورا مرام

.................

في الحمام

مرام تدخل تغسل وشها و تبص فالمرايه و هي فمنتهي العصبيه نورا تدخل وراها

نورا / مرام

مرام / عاوزه ايه انتي كمان

نورا / انا معملتلكيش حاجه ماشي

مرام / بصي مالاخر انا اللي غلطانه مالاول و هصلح غلطتي انا هعمل البروجكت الزفت ده لوحدي كل اللي عليكوا تزاكروه قبل الشفوي و شكرا

نورا / حقك بس انتي عاوزه مازن ليه

مرام / حوار ميخصكيش

نورا / مازن غير تليفونه امبارح و سافر يغير جو قافش مع زياد

مرام / لما يبقي يرجع بقي

نورا / لو في حاجه اقدر اعملها

مرام / ياريت والله كنت خلصت مالق*ف ده بس مينفعش عن اذنك

مرام تمشي و نورا تمسك التليفون

نورا / ايوه يا مازن في حوار لازم تعرفه

.................

في الفيلا

لبني بتلم هدوم فشنطه و زياد قاعد جنب الشنطه

لبني / انا هعرفها ان مخلتها تبكي بدل الدموع دم مبقاش انا

زياد / هو ده اللي همك

لبني / انت تسكت خالص واحد غيرك كان جابها من شعرها

زياد / علي اساس اني بلطجي مثلا انتي عارفه كام واحد كان هيتحمقلها لو كنت كلمتها بس و لعلمك لو الموضوع ده كان كبر انتي اللي هتتاذي مش هيا

لبني / انت معايا و لا معاها

زياد / معاكي و انتي عارفه مرام معروفه فالدفعه و الدكاتره و الحرس و العميد نفسه عارفها تفتكري هيقفوا مع مين انتي و لا هي

لبني / تلتربعهم بيشتغلوا عندنا اصلا

زياد / تصحيح عند مازن اللي احنا قافشين معاه و اللي يعالم رده فعله ايه علي اللي حصل

لبني / طظ

تليفون زياد يرن

زياد / مازن ...تحبي تردي ... خدي قوليله طظ ...اهدي حقك هيجيلك و هتيجي تبوس رجليكي بس اهدي

لبني مقموصه

زياد / و غلاوتك عندي لخليها تسيب الجامعه بحالها و تدفن نفسها بالحيا و بكره تشوفي

لبني تبصله

زياد / اهدي و فكري فمصحلتك

تليفون زياد يرن تاني

زياد / الو ايوه يا مازن

صوت مازن / ايه اللي حصل فالكليه النهرده

زياد / خناقات بنات ملناش دعوه بيها

صوت مازن / نورا قالتلي ان

زياد / قالتلك ان مرام ض*بت لبني بالقلم

صوت مازن / ايوه بس اكيد مش من فراغ يعني اكيد قالتلها حاجه يعني ايه مش عارف لبني

زياد / بينهم و بين بعض يسطفوا سيبك انت بقولك هو ايه الموضوع الشخصي اللي بينك و بينها

صوت مازن / موضوع شخصي ايه

زياد / معرفش هي قالت عوزاك فحوار شخصي و مرضيتش تقول لحد

صوت مازن / انا بلم حاجتي و نازل بكره نشوف

زياد / لو عاوز نصيحه اخوك متنزلش الفتره دي كمل زي مكنت و لا كانك عرفت حاجه

صوت مازن / بس

زياد / لو نزلت بنت المجنونه دي محدش ضامن عوزاك فايه اديني شويه وقت اعرف هي عاوزه ايه

صوت مازن / انا كدا كدا نازل

زياد / هستناك مش هنام الا لما توصل

صوت مازن / لا عشان لبني

زياد / لبني لمت حاجتها و مشيت زعلت يا سيدي اني مدخلتش

لبني تبصله يشاورلها تسكت

صوت مازن / و انت سبتها تمشي غريبه دي

زياد / انا مخنوق و فيا اللي مكفيني و هي غلطت

صوت مازن / يعني ايه

زياد / الامور تهدي بس و اروح اصالحها

صوت مازن / ماشي

زياد / خد بالك مالطريق توصل بالسلامه

صوت مازن / سلام

زياد يقفل السكه

لبني / مش فاهمه

زياد / بكره تفهمي مضيعيش وقتك و لمي كل حاجه اتقمصي جامد و اسبكي الدور

لبني / انت بتتكلم جد احنا مش هنتعامل مع بعض تاني

زياد / و انا اقدر يا هبله دانا هبوس رجليكي عشان تسامحيني و انتي مش هتوافقي ايه حد يلاقي دلع و ميدلعش

لبني / انا مش فهماك بس انا واثقه فيك

زياد يحضنها

زياد / و ده عندي بالدنيا

.....................

عند مازن

مازن بيقفل الشنطه يجيله نوتفيكيشن يمسك الموبايل

اسما / ياريت كان في موبايل نصور اللحظه التاريخيه دى شابو مرام عملتي اللي نفسنا نعمله من زمان

رحيق الياسمين / انا كنت فالمحاضره بس سمعت باللي حصل و اكيد مش حاجه حلوه يعني اكيد مرام معملتش كدا من فراغ

البوب الكبير / هو ايه اللي حصل يا جماعه

محمود / منه لله اللي دبسنا مع الاشكال دي

رحيق / ايه اللي حصل يا محمود

محمود / والله معرف يا ياسمين مرام كانت جايه مش طايقه نفسها و بعدين فجاه سابت المدرج و سمعت باللي حصل

البوب / ايوه يعني ايه اللي حصل

اسما / مرام ض*بت لبني بالقلم علي وشها فالكافتريا بس ايه قلم مخبرين احنا انتبهنا علي صوته و صوت زعيق لبني بعدها

البوب / لبني دي صاحبه زياد اللي عنده عربيه هامر سوده

اسما / اه هي

حبيبه الرسول / انا اعرف مرام من ثانوي محترمه جدا و متعملش كدا دي مبيطلعش منها العيبه

اسما / يا بنتي انا سامعه لبني بودني و هي بتقولها يا بنت الشحاتين هخليكي تبوسي رجلي

سعد / ايه قله الادب دي هما فاكرين نفسهم ايه مليها حق تض*بها

محمود / يا سعد افهم هي قالت ده بعد منض*بت

بونبونايه مسكره / انتوا بتتكلموا علي اللي حصل فالكافتريا انا كنت قاعده فالترابيزه اللي جنبهم و لبني و شلتها كانوا بيتخانقوا عشان مازن باين غير رقمه و امتحان و مرام حاجه كدا و بعدين مرام جت سالت علي مازن لبني خدتها علي جنب و الباقي انتوا عارفينه

حبيبه الرسول / اصلا اية علاقه مرام بالشله دى دى سمعتهم زى الزفت

محمود / البروجكت ا****عى

حبيبه/ و ايه جبركوا

محمود / الدكتور يا ستى عشان تكافؤ الفرص

انس/ هو ممكن كل واحد يخليه فحاله احسن و شكرا يا ست حبيبه الرسول محدش طلب رايك فينا

حبيبه/ انت ايه دخلك وسطينا اصلا

البوب / الخناقه بدات الخناقه بدات

سمسماية / لا انا عاوزه افهم ايه علاقه مرام بمازن هى مش مع نورا و نيفين باين ايه الموضوع الشخصي اللي بنهم مع اننا كلنا عارفين سمعه مازن كويس

محمود / انا معرفش انتى مين بس عيب اوى كدا

سمسماية / انا مين مش شغلك و لا انت كنت المحامي بتاعها

مازن / ايوه يعني عاوزه ايه

البوب / هو ايه اللي حصل يا ميزو

مازن / ميخصكش ... انا معرفش ايه اللي حصل و معرفش مرام كانت عوزاني فايه بس اي كان السبب و اي كان اللي حصل ميخصش حد

سمسماية / غيرت رقمك ليه يا مازن

مازن / عشان متتصليش عليا بالليل تاني لما ابوكي ينام حلو السبب ده

سمسماية / انت حيوان و قليل الادب

مازن / بالظبط كدا اقطعي معايا بقي

مازن / ياريت الفراغ اللي قاتلكوا ده و مخليكوا مركزين معايا اوي كدا تشوفولكوا حل فيه هاڤ اللايڤ

مازن / علي فكره مرام بنت محترمه و اكيد لبني قالت حاجه غلط بس اي كان اللي حصل ده بينهم هما الاتنين بس

**ت ثواني ي**ره صوت نوتيفيكيشن طلب رساله مازن يفتحها

محمود / انا و مرام قررنا اننا مش هنكمل فالمشروع ده معاكوا

مازن / حقكوا بس ممكن اعرف ليه

محمود / انت يعني مش شايف

مازن / انا عن نفسي مش شايف اني اتعديت حدودي لا معاك و لا مع مرام و علي فكره انا معرفش اصلا لبني قالت ايه و لا اعرف مرام كانت عوزاني فايه

محمود / يا راجل يعني انت متعرفش عملت ايه خلتها متعصبه منك اوي كدا

مازن / والله معرف بس انا هاجي الكليه الصبح اشوف في ايه

محمود / ابعد عنها احسنلك كفايا اللي حصل بسببك لحد دلوقت

مازن / انا مليش دعوه باللي حصل و مش هشيل ق*ف حد

محمود / البوست اتمسح علي فكره

مازن / فداهيه

محمود / الخلاصه انا هعمل المشروع كله و ابعتهولك تزاكره

مازن / ربع ساعه و هيوصلك المشروع كله عالميل محلول و مكتوب كومبيوتر متتنطتش عليا

**ت

مازن / محمود انا مفيش فنيتي اي حاجه وحشه ناحيتك انت او مرام و صدقني لو قولتلك اني ادايقت جدا ماللي حصل و مش هعديه

محمود / كتر خيرك انا هقوم عشان مش فاضي

مازن / سلام

مازن يقفل الموبايل و يفتح اللاب و يبعت الملف لمحمود و يلم باقي حاجته و يمشي

.....................

في شقه مرام

سميحة / لا غلطانه

مرام / كنتى عوزانى اعمل ايه يعنى

سميحة / انتى بتروحى الكليه دى تتعلمى تتعلمى و بس مش تسيبي محاضرتك عشان تتخانقي

مرام / انا مكنتش

سميحة / لو مكنش مع لبني كنتى هتتخانقي مع مازن صح و لا لا

مرام / يا تيته

سميحة / اللي حصل مش هينفع نغيره علي الاقل نتعلم منه

مرام تبص فالارض

سميحة / الناس دي متتعامليش معاهم تاني و اي حد يتكلم فاللي حصل مترديش

مرام / حاضر

سميحة / و سيبي الزفت اللي فايدك و اقعدي زاكري

مرام تسيب الموبايل و تقوم تجيب كتاب و تقعد تزاكر

سميحة / ربنا يهد*كي لنفسك و يصلحلك الحال

......................

في الفيلا

مازن يحط شنطته عالارض زياد ينزل من فوق

مازن / انت كويس

زياد / هبقي كويس انت عامل ايه

مازن / مدايق

زياد / و هتقولي انك زعلان منى و لا هتروح لنورا تشتكيلها مني

مازن / مش ده اللي حصل

زياد / لسه زعلان

مازن / لا

زياد / طب يلا نخرج

............................