"السكة شمال" بقلم /لولو_محمد

الحلقه السادسه

(((((((((((((((((السكة شمال))))))))))))))))))))))))))

#لولو_محمد

الحلقه السادسة

مازن / ليه يعني هعرف علي فكره

مرام / و لو دلقتها

سميحه / فداه في ايه يا مرام

مازن / ايوه في ايه يا مرام

مازن ياخد الصينيه و يوديها يقابل محمود عالسلم شايل كيسين كبار محمود يحط الاكياس عالارض و يروح يساعد مازن فرص الشوربه

لبني / انت بتعمل ايه يا مازن

مازن / انتي شايفه ايه

..................................

مازن ياخد الصينيه و يرجع محمود ياخد كيس يوديه عند مامته و التاني يروح بيه ورا مازن

مازن / موقعتش و لا نقطه هي دي ريحه كيكه

سميحه / في الفرن

مازن / لا بجد مين هياكل كل ده

محمود يدخل

محمود / مرام ماما بتقولك الترت المتين

مرام / حاضر

سميحه / خلصت البقلاوه الكيكه تطلع ادخله

محمود / انا هناك بقي

محمود يمشي و مازن بيرص بولات الملوخيه علي الصينيه و مرام بتعمل كريم شانتيه

مازن / معلش يا تيته سؤال

سميحه / اتفضل

مازن / هو انتوا لحقتوا تعملوا كل ده امتي

سميحه / انا و مرام كنا عاملين المحشي عالسوا لما كلمتني سلقت فرخه زياده و حمرتها و ساعدت خالتك مديحه فالبشاميل هي كانت عامله الرقاق اصلا و عملت عالشوربه ملوخيه و بعمل فالحلو اهو

محمود يدخل شايل حله

محمود / ماما باعته الشربات

مازن / هودي الملوخيه

محمود / عنك

مازن / تعال ساعدني فالرص

محمود و مازن يمشوا

سميحه / مش شايفه الوحاشه اللي بتقولي عليها يعني

مرام / يا تيته بتاع بنات و سمعته زي الزفت

سميحه / ايوه بس انتي مالك بكل ده مدام معملكيش حاجه وحشه اتعاملي و خلصي مشروعك

مازن يدخل و مياخدوش بالهم

مرام / يا تيته صعب اوي مستفز

سميحه / والله شكله غلبان

مازن / اه والله يا تيته قوليلها

مرام / خضيتني

مازن / انتي بتتلككي شوفي الكيكه

مرام / يا خبر

مرام تطلعها و ترزعها عالرخامه

مرام / اوووف سخنه

مازن / حتي المطبخ مش فالحين فيه وسعي

مرام / بتعمل ايه

مازن / ممكن توسعي

مازن يقلب الصينيه عالطبق و يشيلها و يجيب السكينه و يقطع الوش و الطروف و يقسمها نصين

مرام / انت بتعمل ايه بوظت الكيكه

سميحه / سبيه و روحي شوفي ناقص ايه هناك

مرام / يوووه حاضر

مرام تمشي و مازن ياخد الكريم شانتي

مازن / بنات اخر زمن مش فالحين فحاجه انتي مستحملاها ازاي دي

سميحه / ههههههههههههه هو في زي مرام

مازن يحط نص كميه الكريم شانتي و يحط الطبقه التانيه مالكيكه سميحه تحط البقلاوه فالفرن و تروح تفتح الكيس و تطلع منه قالب شيكولاته خام مازن ياخدها و يبشر حته فطبق و يفتح الكيكه تاني و يحط الشيكولاته المبشوره و باقي الكريم شانتي و يقفل الكيكه تاني و يفتح الرف

مازن / ممكن

سميحه / انت بتعرف تطبخ

مازن / انا عازب و عايش لوحدي و مش هكدب عليكي الموضوع ده بيجيب جامد مع البنات

سميحه تض*به علي كتفه

سميحه / ههههههههههههههههههه

مازن يسيح الشيكولاته فحمام ميه و يحط شويه كريمه لباني و حته ذبده و لما تاخد القوام يغطي بيها الكيكه

مازن / حطيها فالتلاجه بقي

مرام تدخل

مرام / انتوا بتعملوا ايه كل ده و سعوا اما اعمل التارت .... ايه ده انت عملت ايه

مازن/ ملوش لازمه التارت مراته هتقوم بالواجب

مرام / و الله

مازن / اوعي يا تيته تسبيها تبوظ التورته بتاعتي

مرام / انا ماشيه

مازن / هي مبتطقنيش ليه

سميحه / ههههههههههه عشان انت لعبي

مازن / و دي حاجه وحشه مانا لسه صغير هو الواحد هيعيش كام مره

سميحه / انا شوفتك فالتليفزيون شوفت الفيديو لما كنت بتنط بالموسكل انت كان ممكن تموت

مازن / و هو الموت وحش مش بيقولوا الموت راحه

سميحه / يابني الموت راحه للي عامل حساب اليوم ده اللي مستعد يقابل ربنا و مين فينا يابني مستعد للحظه دي

مازن يسكت

سميحه / عارف يابني الموت ده كان اهون حاجه ممكن تحصلك انت كان ممكن تتصاب و تخسر صحتك ممكن يحصلك حاجه كفاك الشر و تعيش باقي عمرك عاجز

مازن / انتي عسل اوي يا تيته يا بختها بيكي

سميحه/ انا عمري محكمت علي حد غلط و انت مش وحش فيك شويه حاجات كدا عاوزه تظبيط بس مين فينا كامل يابني روح كل و الاكل سخن

مازن / طب اودي حاجه

سميحه / تسلم يابني روح

مازن يمشي يروحلهم يلاقيهم قاعدين بياكلوا و مرام و محمود و مديحه بيخدموا عليهم

مرام / انت حطيتلك طبقك عالترابيزه هناك

نورا / و انتى مش هتاكلى يا بنتى

مرام / مانا باكل اهو

لبنى / يا بنتى افهمى هما بيفضلوا يتحركوا كدا و لما يتاكدوا ان الضيوف شبعوا ياكلو هما الباقي

مازن / عشان كدا بيقولوا سيد القوم خادمهم يا لبنى ان احسن واحد هو اللي بيخدم غيره و يساعدهم و يكرمهم

زياد / بس الاكل حلو اوى فعلا تسلم ايد*كوا

مديحه / الف هنا

انس/ انا بقول يا حوده نفكنا مالمكتبه و نيجي نزاكر هنا كل يوم ايه رايك يا مازن

مازن / مع ان العرض مغري بس للاسف جسمى مش هيستحمل الاكل ده كل يوم تعب السنين فالجيم هيضيع

مديحه / ياخويا الراجل منغير كرش ميسواش قرش

سميحه تدخل مرام تناولها طبقها تروح تقعد جنب مازن يبتسموا لبعض

مازن / متقلوش فالاكل عشان تسيبوا مكان للحلويات المنيو هنا هايل

سميحه / الف هنا

مازن / مبتاكليش ليه يا لبني متخافيش في كتير جوه

لبني / معلش اصلي مش واخده عالاكل بايدي

مرام تروح شقتهم و تجيب شوكه و سكينه مدهب

لبني / مش خساره جهازك

سميحه / لا يا حبيبتي احنا لسه مبداناش فجهازها لسه بدرى علي متتخرج استخدميهم

لبني / ملكيش حق يا تيته بصراحه انتي مش شايفه الاسعار دانتوا يادوب تلحقوا علي متتخرج لحسن العريس يحرجكوا و لا حاجه

مرام تبصلها

مازن / يحرجهم ليه يا لبني مش كتر خيرهم انهم بيشيلوا من عليه اي حاجه

لبني / ازاي يا مازن

مازن / العروسه مش ملزمه انها تجيب اي حاجه فجهازها و ان العريس ياخدها من بيت ابوها معززه مكرمه و بيدفع ليها مهر تشتري بيه الجهاز علي زوقها فحدود امكانياته

انس / بس مش ده اللي بيحصل يا مازن

مازن / عارف عشان الشباب معدش قادر و ظروفهم بقت صعبه اهل العروسه سهلوا الموضوع عالرجاله و بقوا يشيلوا معاهم فالجهاز بس بدل ما أهل العريس يشيلوا الفضل و يحمدوا ربنا زي كل حاجه فحياتنا اعتبرناه امر واقع و ان ده المفروض

مديحه / هي وجهه نظر تحترم

مازن / بكره تلاقي العروسه هي اللي هتجيب كل حاجه و برضه مش هيعجب المفروض ان كل واحد يتجوز علي قده ملهاش لازمه البهرجه

لبني / و انت طبعا هتاخد عروستك بشنطه هدومها

مازن / لا طبعا بفستان الفرح اللي انا دافع تمنه هو انا محتاج العروسه تشيل معايا و بعدين احنا هنروح بعيد ليه هو انتي مش من يوم مرتبطي بزياد و انتي ملزمه منه

لبني / علي اساس اني كنت محتاجه

مازن / لا طبعا مقصدش بس ده الصح

نيفين / انتوا مالكوا قلبتوها جد اوي كدا ليه امال لو مكنش النبي عربي يا جماعه

سميحه / عليه الصلاه و السلام انا هقوم اجيب الحلو

مازن / خليكي يا تيته هجيبه انا

مرام / لا انا هروح

مازن / ابدا مامنكيش عالتورته بتاعتي وسعي

مرام / و دا من ايه ان شاء الله

سميحة / متسيبيه

لبني / يمكن في هناك حاجات خايفه عليها

مرام / و انت عادي يتقال علي اخوك حرامي

لبني / اكيد مقصدتش كدا يعني

مازن يدخل بالتورته

مازن / كبايه شاي بلبن بقي معاها او نسكافيه او قهوه عادي

سميحة / مش تكمل اكلك الاول

مازن / هو الاكل جامد بس انا شايل معدتي للتقيل

نيفين / انا كمان شبعت

لبني تبصلها

مرام / كملي طبقك

نيفين / والله مش قادره

لبني / انا كمان شبعت ميرسي

مرام / كملي اكلك يا لبني مش معني انها قامت تقومي كل واحد بياكل علي قد معدته

مديحه / كلو يا عيال و علي راي المثل كل و بحلق عنيك اكله و اتحسبت عليك

محمود / هجيب سكينه و اطباق و اعلق عالشاي

لبني / متعملش حسابي مبشربش تاب واتر

محمود / عندنا فلتر

لبني / سوري لا برده

مديحة / انزل يابني هاتلها ازازه ميه معدنيه

مازن / ملوش لزوم احنا ماشيين

سميحة / ليه يا ولاد دانا مجبتش البقلاوه لسة

مازن / مره تانيه يا تيته

سميحة / طب اقعد دوق التورته بتاعتك

مازن / معلش متاخرين جايين و لا ايه

لبني / نيس تو ميت يو سلام بقي

زياد/ تسلم ايدك يا طنط

الكل يسلم و يمشي

مديحه / البت دي دمها يلطش يا بااااي

سميحة / احرجته ياعيني خلته يمشي منغير ميكمل اكله

مرام / احسن يستاهل عشان يبقي ياخدها معاه فى كل حته

سعد / خطيبه اخوه ماله هو و مالها

مرام / عينه واحده علي فكره

سميحة / لاااااا ابدا الواد ده غلبان محاوط نفسه بالقشره دي عشان يعرف يندمج وسطيهم

محمود / والله انتي اللي غلبانه يا تيته دا الريس بتاعهم

سميحة / والله انا حكمت من اللي شوفته

محمود / انتي ما شوفتيش حاجه يا تيته و الوش الحنين اللي هو وراهولك هنا ده مش وشه الحقيقي

مديحة / و مدام هما وحشين اوي كدا عزمتوهم ليه

محمود / هما اللي احرجونا تلاقيهم كانوا فاكرين هيعرفوا ي**روا عينا لما يدخلوا بيتنا و لا حاجه بس الحمد لله

سميحة / كلو نصيب يا ولاد كلو نصيب كملو اكل كملوا

...................

علي ناصيه الشارع

مازن / كنت متاكد انك مش جايه كدا لله و للوطن كنت متاكد انك هتحرجينا

لبني / انا برده و لا انت رايح جاي تشيل فى اطباق و داخل عندهم المطبخ تطبخ كمان ما ناقص تغسلهم المواعين و تشوف لو في جلبيتين عاوزين غسيل تاخدهم فومين بالمره

مازن / و انتي مالك

زياد / بقولك ايه يا مازن ما تافورش

مازن / هو انت ما بتشوفهاش بتغلط خالص كدا

زياد / بتغلط بس مرام كمان ل**نها طويل و احرجتها اكتر من مره و لا انت ما شوفتش دي مع اننا فى بيتهم

انس / سيبك سيبك الا صحيح يا مازن بيت مرام عامل ازاي

نيفين / سعد قالى انه صغير عن بيت محمود و ما عندهمش سفره عشان كدا قعدنا عند محمود

لبني / اصغر من كدا كمان ليه عايشين فى جحر فيران

مازن / بيتهم كان انضف من بيتنا علي فكره

لبني / اكيد طبعا هههههههههه قله و حصيره

مازن / مفيش فايده

مازن يمشي و يسيبهم زياد يحصله

زياد / هو في ايه يا مازن

مازن / مفيش

زياد / لا في محموق اوي كدا ليه هما كانوا من باقي عيلتنا و بعدين هي اول مره نمسك حد و نحفل عليه

مازن / لا مش اول مره بس اول مره نتعامل مع ناس زي دول الناس دي معدمه و مع كدا استقبلوك فى بيتهم و قدمولك كل اللي عندهم و كرموك ما يبقاش الرد قله زوق يعني

زياد / انت فيك حاجه لتكون حبيت البت دي يا مازن

مازن / لا طبعا مرام ما تنفعنيش نهائي

ذشزياد / ليه بقي ان شاء الله ما هي حلوه يعني

مازن / مش شرط بس مش هتريحني مش هتمشي علي مزاجي و انا مش هرتبط بواحده تنكد عليا يعني و تقعد تقولي رايح فين و جاي منين دي اخرها بالنسبالي زي حضره الناظر كدا

زياد / هههههههههههه فى دي معاك حق البت ناشفه اوي بس مش انت صاحب نظريه كلو بالحنيه بيفك

مازن / الوقت اللي هفكها فيه دا انا اظبط تلت اربع بنات مفكوكين جاهز فيه و لا وجع دماغ انا ناقص يلا يلا

زياد / ايه علي فين

مازن / عيش انت بقي انا هروح سلام

..............

فى شقه مازن

شقه فخمه تلت اوض و ريسبشن كبير جدا مازن يدخل اوضه مقفوله بالمفتاح و يقفل الباب وراه بالمفتاح و يشغل النور و يفتح لاب و يطلع محفظته و يطلع صوره و يسحبها سكانر جنب اللاب تظهر الصوره عاللاب صوره مرام بتدحك يقعد عالكرسي و يبصلها و يبتسم جرس الباب يض*ب مازن يقفل اللاب و يقوم يفتح باب الاوضه بالمفتاح و يقفله وراه بالمفتاح و يروح يفتح باب الشقه يلاقي بنوته حلوه

البنت / جتلك مرتين ملقيتكش اتفقت مع البواب اول متوصل يكلمني ايه موحشتكش ولا ايه

مازن يبتسم و يفتحلها الباب تدخل

...................

في شقه محمود

مرام واقفه تغسل المواعين و محمود يدخل شايل

اطباق يحطها جنبها

مرام / متلملي مواعين الجيران بالمره

محمود / اخر حبه والله عاش يا وحش

مرام / اتف*ج عليا كمان خليك واقف

محمود / طب اعمل ايه طيب ههههه

مرام / هو انت كمان عاوزني اقولك تعمل ايه متعرفش تعمل حاجه من نفسك ابدا يعني

محمود / ربنا ميحرمني منك هو احنا لينا بركه غيرك ههههههه

مرام/ استفزني كمان استفزني

محمود / متتخلقيش عليا مش انا اللي عزمتهم

مرام / شوفت بنت الكلب كانت بتتعامل معايا ازاي هو في ايه مكلنا ولاد تسعه

محمود / دي مريضه الله يعينها

مرام / و لا المستفز التاني هو ماله شارب حاجه و لا ايه لا و تيته كمان هو انا ناقصه حرقة دم

محمود / طب هدي نفسك يوم و عدي

مرام / هو فاكر نفسه ايه رايح جاي رايح جاي و قال مامنكيش عالتورته بتاعتي

مرام ترزع الطبق فالحوض

محمود / و الطبق زنبه ايه دلوقت

مرام / انسان لا يطاق بجد منه لله اللي دبسنا التدبيسه السوده دي معاهم كمل انت وسع

مرام تغسل ايدها و تزقه و تطلع بره تلاقي مديحه و سميحة بيعبوا الحلويات فعلب تلاجه

سميحة / خلصتي

مرام تترزع علي اقرب كرسي

مديحة / و لا يهمك انا هكمل الباقي

سميحة / بقولك يا محمود ابقي خد العلبه دي اديها لمازن بكره فالكليه

مرام / لا دا كتير والله كدا كتير هو في ايه ليه يعني

سميحة / في ايه يا مرام

مرام / هو ايه اللي في ايه يا تيته

سميحة / الواد عاملها بايده ميدوقهاش

مرام / يووووه بقي انا رايحة اذاكر

مرام تمشي

سميحة / ربنا يهد*كي يا بنتي

محمود / متزعليش منها يا تيته هي متقصدش

سميحة / تعال يا محمود عوزاك

سميحة تروح تقعد و محمود يقعد جنبها

سميحة / محمود انت عارف ان غلاوتك عندي من غلاوه مرام صح

محمود / طبعا يا تيته

سميحة/ قولي هو مازن عمل حاجه لمرام

محمود / هو كان يقدر والله كنت قتلته

سميحة / تقتل ايه يابني انا مقصدش كدا انا اقصد قالها كلمه تدايقها عاملها بقله زوق زي البت دي اللي اسمها لبني

محمود / بصراحة لا بيعاملها كويس

سميحة / و انت بيعاملك ازاى

محمود / قارفني اخر ق*ف لبني جنبه ملاك هههههههه

سميحة / ههههههه و انا اقول هي مش طيقاه ليه طبعا مانت اخوها و لازم تتحمقلك

سميحة تقوم و محمود الدحكه تروح من وشه و يسهم

....................

تاني يوم الصبح

فشقه مازن باب الشقه يتفتح و زياد يخش يلاقي مازن نايم يفتح الستاره الشمس تدخل تدايق مازن

زياد / اصحي قافل موبايلك ليه

مازن / تلاقيه فصل سبني انام

زياد يفتح الدولاب و يطلع طقم

زياد / والله لولا زن لبني مكنت عبرتك النهرده في كويز فالمحاضره و انت فعرض درجه بابا هينفخك لو سقطت تاني

مازن يقوم يقعد و زياد يروح يقعد جنبه

مازن / هيعمل ايه يعني هيحرمني مالميراث مثلا

زياد / بابا عارف ايدك اللي بتوجعك و ماسكك منها موني

مازن / وحشتني بنت الايه

البنوته تدخل لابسه برنص و لافه شعرها بفوطه

البنت / صباح الخير يا زيزو صباح الخير يا حبيبي

مازن / صباح الخير يا قلبي

البنت تاخد هدومها من عالكرسي و تطلع بره

زياد / لا ليك حق دانت بتش*ي يابني مين دي

مازن / والله معرف

مازن ينام تاني

زياد / قوم هنا هتصيع عليا

مازن / انا امتي كدبت عليك

زياد / انا فحياتي مشوفتش كدا

مازن / اد*ك شوفت امبارح لما روحت الباب خبط فتحت لقيتها بتقولي موحشتكش ا**فها

زياد / لا ميصحش

مازن / طيب

زياد / صبرني يارب

مازن / هي اول مره يا زياد متافورش بقي و سبني انام

زياد / انت هتقوم و لا اغرقك بالميه دي و احميك

مازن / ياريت والله انا م**ل استحمي

البنت تدخل تبوس مازن من خده

البنت / ابقي كلمني بقي

مازن / اكيد يا قلبي مانا سجلت رقمك المرادي

................................