"السكة شمال" بقلم /لولو_محمد

الحلقه الثانيه

(((((((((((السكة شمال ))))))))))))))

#لولو_محمد

الحلقه الثانيه

لبني / انا مش عارفه هو مبيطقنيش ليه بزمتك انا عمري عملت فيه حاجه وحشه

زياد / يا قلبي هو انتي يجي منك حاجه وحشه برده بس انتي عرفاه ب*عره

لبني / براحته بقي انا اصلا بستحمله عشان هو اخوك و عارفه قد ايه انت بتحبه و اي حد انت تحبه انا احبه

لبني تقرب اوي من زياد و تعدله ياقه القميص يمسك ايدها و يبوسها

زياد / باتي النهرده عشان خاطري

لبني / عشان خاطرك انت بس مهو مش كل يوم عيد ميلادك

زياد يحضنها

زياد / بحبك

....................

في العربيه مع انس

انس / انتي كويسه

نيفين / ايوه مالي يعني

انس / اصلك ساكته اوي مش زي عادتك

نيفين / اتكلم اقول ايه

انس / تحبى نقف فى اى حته نشرب حاجه

نيفين / انس

انس / اوعدك انى مش هتكلم عن مازن او عننا زمان او عن اى حاجه تدايقك

نيفين تبصله

انس / ايه منقدرش نقعد مع بعض نتكلم زى اى اتنين صحاب

نيفين / اوك مفيش مشكله

انس / يااااه فاكره الكافيه ده كنتى بتحبى الفادج بتاعهم فاكره

نيفين / ايوه هوه يااااه احنا مجيناش هنا من زمان اوى تفتكر لسه بيعملوه حلو زى زمان

انس / فى طريقه واحده نعرف بيها اننا نجرب ثوانى اركن و ننزل

...............................

فى اوضه زياد

زياد بيتكلم فى التليفون

زياد / بتعمل ايه عالروف تلت ساعات يا متخلف انا طلعت روحى و انا بدور عليك و طبعا كان شكلى زباله قدام نيفين و ساره

صوت مازن / ساره مين

زياد / صبرنى يارب هو ايه اللى ساره مين ساره يحيى البت بتاعه كليه الاداب اللى اتعرفنا عليها فى حفله الهالوين عند لبنى

صوت مازن / مش فاكرها

زياد / ياض بطل استفزاز دانا لقيتها فاوضتك و انا بدور عليك

صوت مازن / ههههههههههههههههههه هى اسمها ساره

زياد / اقفل يلا انا مش ناقص شلل

صوت مازن / والله مكنت اعرف انا اول مره اشوفها اصلا

لبنى تطلع مالحمام تقعد قدام التسريحه

لبنى / بتكلم مين

زياد / مازن الباشا كان فوق عالروف

لبنى / متخلف

زياد يكمل تليفون

زياد / ايوه يابنى ... الو .... الو ..... الجزمه قفل السكه

رساله توصل لزياد

زياد / انا هنام تصبح على خير اشوفك الصبح

لبنى / شوفت

زياد / ايه

لبنى / قفل الخط اول مسمع صوتى

زياد / كبرى مخك انتى لسه هتعرفيه النهرده بقولك ايه تعالى نامى النهرده كان يوم طويل و مرهق بشكل ب*ع حاسس انى هنام زى القتيل

لبني تروح تنام جنبه

لبنى / كان في موضوع عاوزه اكلمك فيه بس مش مشكله شكلك مرهق فعلا وقت تاني بقي

زياد / لا لا عادي موضوع ايه

لبني / انت كلمت ماما فموضوع جوازنا صح

زياد / هي قالتلك ليه كنت ناوي اعملهالك سربرايز

لبني / زياد احنا اتفقنا مفيش جواز قبل منتخرج انا مش فاهمه انت مستعجل علي ايه يعني

زياد / يا حبيبتي هيفرق ايه نتخرج و لا لا هو انا مستني شهادتي عشان اتوظف مثلا و بعدين يا حوبي انا مبقتش قادر ابعد عنك عاوزك جنبي طول الوقت

لبني / مانا جنبك يا زياد

زياد / مش طول الوقت وبعدين انا خلاص معدتش قادر يابنتي انا من حبي فيكي نفسي اجيب منك سبعين تمانين نسخه كدا يتنطتوا فكل حته و يملوا البيت ده

لبني / سبعين تمانين ايه لا طبعا

زياد / خلاص خليهم عشره بس كفايا

لبني/ هو واحد بس و مش دلوقت خالص كمان يا زيزو احنا لسه صغيرين و البيبي مسؤليه كبيره و ربطه انت متخيل اننا لما هنخلف هنقدر نسافر و نتفسح و نسهر و ننبسط كدا لا طبعا

زياد / مفي بيبي سيتر هتقعد بالنونو

لبني / و البيبي سيتر دي هتحمل مكاني هتولد مكاني جسمها هيبوظ مكاني

زياد / يا قلبي انتي عجباني فاي وضع

لبني / ايوه طول مانا حلوه بس اول مهنفش هتغير رايك مش هبقي لبني حبيبتك بلس اننا لما نتجوز و نبقي مع بعض فول تايم زى مانت عاوز الشوق و اللهفه اللي بنا هينتهي و ندخل بقي فدوامه الملل و الروتين

زياد / ليه بتقولي كدا

لبني / عشان انا هبقي بتاعتك تتعب عشاني ليه

زياد / عشان بحبك

لبني / مازن بليز

لحظه **ت

لبني / سوري انا اصلا مش فالمود بسبب اللي مازن عمله و حوار نيفين و انس

زياد / عادي

زياد مدايق لبني تقرب منه

لبني / زيزو انت عارف انا بحبك قد ايه و صدقني انا محاولتش افتح الموضوع غير لما عيد ميلادك خلص عشان مكنتش عاوزه ادايقك انا مبحبش ادايقك

لبني تنام فحضنه

زياد / انا عمري مدايق منك

لبني / ماما مستنيه مني رد و كل شويه تكلمني و انا خايفه اوي خايفه ناخد خطوه محناش قدها بدل متقربنا من بعض تبعدنا انا مش هقدر اخسرك

زياد / مش هيحصل مهما حصل مفيش حاجه هتفرق بنا

لبني تبصله / وعد

زياد / وعد ... بصي مفيش حاجه هتحصل غصب عنك وقت متكوني جاهزه اوك دلوقت نامي و ارتاحي ورانا يوم طويل اوي بكره

لبني تبتسم و تنام و زياد صاحي بيفكر

.............

فى الكافيه

انس / هههههههههههههههههههههه لا لسه عند رايى اللى كلناه فى الساحل يوم عيد ميلادى اللى قبل اللى فات كان اجمل

نيفين / خساره ان الكافيه اتقفل فعلا

انس/ ايوه حتى اللى فتح مكانه مش قد كدا

نيفين / هههههههههه لا فاكر المطعم اللى قولنا نجربه و روحنا طلبنا اكل و الاكل طلع وحش و مرضيناش ناكله و جينا نمشى اتخانقوا معاك عشان تدفع الحساب و قفلوا علينا المحل

انس / ههههههههههههههههه دانا خدت ض*ب يوميها

نيفين / بعت يوميها رساله لمازن فيها مكان المطعم مفيش ربع ساعه جه و طلعنا و **ر المطعم كله على دماغهم و كمان عملهم محضر و قفلهم المحل

انس / طبعا.. مازن كالعاده سايفد ذا داى

نيفين / سورى اتفقنا اننا منتكلمش عن مازن

انس / لا عادى فالاول و الاخر مازن صاحبى عادى يعنى

نيفين تعمل نفسها بتاكل و متردش

انس / انتى عارفه اصعب حاجه ايه لما الواحد بيفتكر الفتره اللى فاتت

نيفين تبصله

انس / ان الكل كان دايما يقولى نوفي كتير عليك احنا مش عارفين هى بتحبك على ايه مازن قالها يوم عيد ميلاده اللى فات

نيفين / كان بيهزر و انت عارف

انس / بس معاه حق كلهم كان معاهم حق صحيح الواحد مبيحسش بقيمه الحاجه الا لما تروح

نيفين / انس

انس / لا لا لا انتى فهمتى غلط انا مكملتش الجمله بس انا محظوظ انى مخسرتكيش من حياتى و انك لسه قادره تتعاملى معايا بعد الوجع اللى سببتهولك عمرى مهقدر اسامح نفسى على اللى حصل

نيفين / مفتكرش ان اللى عشناه سوا ممكن يتنسى و انا و انت حتى لو عوزنا مش هينفع نبطل نتعامل سوا احنا فى نفس الكليه فنفس الشله و حتى جيران

انس / بس

نيفين / بس ايه

انس / هو ده السبب بس انك لسه مكمله معايا انك مينفعش تقطعى معايا عشان هنتقابل كتير غصب عنك

نيفين / اووووه لا طبعا مقصدتش كدا

انس / لا انا فاهم عادى حقك محدش يقدر يلومك

نيفين / اقولك انا ذكرى متاكده انك مش فاكرها لكن انا عمرى منستها و لا هنساها

انس / الميك معاكى ههههههههه

نيفين / نورا طلبت من مازن انها تعمل حفله عالياخت بتاعه و هو وافق و كلف الحفله كمان و هى عزمتنى و اتزحلقت وقعت فى البحر و مكنتش بعرف اعوم قبلها و نزلت فى الميه بوووووم زى الصخره و شريط حياتى بقى بيعدى قدامى و خلاص دى النهايه لقيت ايد بتشدنى انت ... انت نطيت ورايا و انقذتنى ده سبب اهم يخلينى مقدرش اخسرك

انس / لسه بتحكيها بنفس الطريقه كانى بطل مع انى معملتش حاجه مميزه اى واحد مكانى كان هيعمل نفس اللى عملته و ردى هيفضل زى مهو لما جيتى تشكرينى

نيفين / كان هيبقى خساره ان الكوكب يخسر قمر زيك هههههههههههههههههههههه

انس / هههههههههههههههههه و لسه عند رايي و من هنا بدات الحكايه ....حكايتنا

نيفين / ايوه

لحظه **ت

انس / يااااه الوقت سرقنا مامتك هتقتلنى و هى مش محتاجه سبب جديد لده

نيفين / ههههههههههههههه جمله نهايه كل خروجه

انس يشاور للوايتر يجيبله الحساب يحاسب و ياخد نيفين و يمشوا

................................

فى اوضه زياد

زياد نايم لبني تقوم من جنبه بالراحه و تطلع بره و تقفل الباب بالراحه و تتسحب لحد الاوضه اللي كانت فيها ساره تفتح الباب بالراحه و تدخل و تقفل الباب في شاب طويل نايم فالسرير و لابس البنطلون بس نايم علي بطنه و حاضن المخده مديها ضهره تقعد جنبه و تحط ايدها علي ضهره يقوم مفزوع يمسك ايدها و يتنيها ورا ضهرها و يزقها فالحيطه

لبني / اه ايدي يا مازن

مازن / كتك قطع ايدك انتي ايه مش هتتهدي بقي خلاص مفيش دم مفيش كرامه

مازن يفتح الباب و يزقها تقع فالارض و تمسك ايديها بتوجعها

لبني / انت ليه مش قادر تحس انا بحبك

لبني تقوم و تنفض هدومها

مازن / مش عارف شايف فيكي ايه و انتي زباله اوي كدا تسيبي اللي شايفك ملكه و يتمنالك الرضا ترضي و تروحي للي هيتسلي بيكي و يرميكي

لبني / انا عارفه انك عايزني و زياد هو اللي واقف بنا بس انا .....

مازن يرزع الباب فوشها و هي واقفه عالباب تغلي

...................................

في شقه نيفين

نيفين بتتكلم فالتليفون

نيفين / هههههههههههه و اخرتها طيب

انس / انتي لحقتي تزهقي مني انتي عارفه احنا بقالنا قد ايه مكلمناش بعض كدا

نيفين / انس صحيح انت هتروح مع مازن الصبح التصوير

انس / لا ....هتروحي ؟؟

نيفين / لا اصل عندي محاضرات و انت عارف

انس / هو مازن مقالكيش التصوير الساعه كام صح

نيفين / علي فكره هو ميعرفش الموضوع مش فارق معاه لبني اللي مدبساه مع الناس

انس / هو قالك كدا

نيفين / هو قالها فا** قدامي و هي قعدت تقنعه ان ده هيزود الفلورز بتاعته و زياد اتحايل كتير عشان اصلا لبني اتفقت من وراه منغير متاخد رايه بس هو وافق عشان زياد

انس / لبني دي مشكله

نيفين / مازن مبيطقهاش بس زياد بيحبها

انس / بس هي لذيذه يعني مش وحشه

نيفين / لا علي فكره زي مقولتلك قبل كدا بتتعامل معانا علي انها رئيسه جمهوريه الشله تدخل وسطينا اللي يعجبها و تمشي اللي ميعجبهاش و تعمل اللي علي مزاجها و الباقي مش مهم كلنا علي هواها الوحيد اللي بيحطها فحجمها الطبيعي مازن

انس / متعاديش لبنى عشان ورقه مازن مش مضمونه لما هتقعى معاها زياد هيقف معاها حتى قدام مازن و مازن مش هيقف قدامه و انا قولتلك الكلام ده قبل كدا لبنى خط احمر

نيفين / ده الفرق بينك و بين مازن مازن مش مديها اكبر من حجمها اوي كدا

انس / براحتك

نيفين / انا هنام هتعوز حاجه

انس / سلامتك

نيفين تقفل السكه

..................

في اوضه مازن

مازن بيطلع طقم مالدولاب و بيلبس الباب يخبط ينفخ و يروح يفتح بعصبيه يلاقي زياد واقف يهدي

زياد / ايه يابني خضيتني بتفتح الباب كانك هتقتل حد

مازن / لا عادي يعني

زياد / ايه مش هتقولي ادخل

مازن / لا تعالي

زياد يدخل يبص يمين و شمال بعنيه بس فى هدوء شديد

زياد / اللبس حاجه تانيه انت هتطلع في التي في انا هخلي لبني تجهزلك حاجه احلي

زياد يفتح الدولاب و يقلب فيه و بعدين يبص لمازن و يبتسم

مازن / ملوش لازمه تتعبها انا بعرف اللبس لوحدي

زياد / تعب ايه دي زي اختك برضه

مازن / متقارنهاش بموني لو سمحت فرق السما مالارض اصلا

زياد / مازن ... لبني تبقي مراتي و...

مازن / و اي حاجه تمسها تمسك و زعلها غالي عليك و صعب عليك ان علاقتها باخوك الوحيد تكون كدا حافظتها بس

زياد / مبسش

مازن / ماشي انا خارج هتعوز حاجه

زياد / ايه البرود ده يا اخي

مازن / برود ايه

زياد / يعنى النهرده يوم مهم بالنسبالك

مازن / انت مصدق نفسك يا زيزو احنا ولاد ابراهيم منتصر احنا التليفزيون نفسه بتاعنا يعنى لو عاوز اعمل لنفسى برنامج و اطلع فيه اربعه و عشرين ساعه هطلع انت عارف انى عامل الحوار ده عشانك و عشان محرجش سمو الاميره

زياد / ماشى يا مازن عشان خاطرى اعمله صح بقى

مازن / حاضر ابقي شوف سموها تحب اللبس ايه و بلغنى سلام

زياد / على فين

مازن / زهقان هتمشى شويه و ارجع

زياد / انا هنزل افطر متيجى نفطر سوا

مازن / مش جعان كل انت الف هنا سلام

زياد يمشى و مازن يروح يقف قدام المرايه يسرح شعره و يحط بيرفيوم و ياخد موبايله و يطلع مالاوضه يلاقى لبنى بتطلع من الاوضه اللى جنبه يبصلها من فوق لتحت و يمشى و هى بتبص عليه و تاخد نفسها

.........................

في شقه مرام

مرام / انا ماشيه يا تيته عاوزه حجه

سميحه / تسلمى يا ست البنات خدى بالك من نفسك

مرام تبوسها و تفتح باب الشقه تلاقى محمود بيفتح باب الشقه اللى قدامها

محمود / صباح الخير

مرام / صباح النور كويس انك جاهز يلا لحسن الدكتور ده رخم و مش هيدخلنا لو اتاخرنا

محمود / مع انى مبفهمش منه حاجه بس يلا اتفضلى

محمود و مرام ينزلوا

.....................................

على حمام السباحه فى الفيلا

زياد قاعد على حمام السباحه لبنى تيجى تغمى عنيه

لبنى / انا مين

زياد / حبيبه قلبى تعالى اقعدى

لبنى تقعد

زياد / كنتى فين يا بنتى دخت عليكى

لبنى / هكون فين يعنى

زياد / مامتك اتصلت بتشوفك فين تقريبا اتخضت لما ملقتكيش فالبيت

لبنى / اوفر اوى ماكيد هنا يعنى مدام مش فالبيت

زياد / مانا طمنتها كنتى فين بقى انا قلبت عليكى الفيلا و متقوليش الروف عشان حتى ده دورت فيه

لبنى تمسك كبايه الميه تشرب

لبنى / و انا ايه اللى هيطلعنى الروف يعنى

زياد / ايه ده مالها ايدك

زياد يمسك ايد لبنى زرقه مكان ايد مازن لبنى تسحب ايدها بسرعه

لبنى / بسيطه متشغلش بالك

زياد / من ايه دى يا لبنى

لبنى / عادى يعنى يا زيزو اتزحلقت فى الحمام ايدى اتخبطت فى الحوض

زياد / امتى ده

لبنى / النهرده و انت نايم

زياد / و مصحتنيش ليه

لبنى / انت كنت تعبان عالاخر انت حتي مسمعتش صوتي و انا بقع قولت اسيبك ترتاح و روحت ادور علي كريم فى اوضه مامتك

زياد / الكريم فالدورج اللي جنبك من المره اللي فاتت لما كتفك كان ازرق مش فاكر من ايه هو كان ايه السبب صحيح

لبنى / اذا كنت انت مش فاكر هفتكر انا انسي انسي امال مازن فين اتصل بيه و صحية

زياد / مازن خرج

لبنى تزعق و تتعصب

لبنى / خرج ازاى تسيبه يخرج انت وعدتنى انت عاوز تحرجنى مش قادره اصدق انك عملت كدا

لبنى تقوم و تمشي متعصبه زياد يجرى وراها و يلحقها

زياد /استنى بس استنى

لبنى / انت وعدتنى

زياد / هيكون هناك فالمعاد متخافيش

لبنى / و انت مش عارفه

زياد / انا مقدرش احبسه لحد معاد الحلقه هيجي متخافيش

لبنى / اقسم بالله

زياد / هيجى اهدى كل اللى انتى عوزاه هيحصل وعد وعد اهدى انتى بس

لبنى / هديت خلاص

زياد / ممكن نفطر بقي

لبنى تهز راسها زياد ياخدها و يعدلها الكرسي تقعد و يجري يقعد قدامها و هو مبتسم

............

فى الكليه الصبح

فى محاضره دكتور بيشرح و المدرج مليان شباب و بنات

الدكتور / من اهم المهارات اللى المفروض تتعلموها هى التيم ورك انك تشتغل مع فريق مش دايما بتدى نتيجه احسن من الشغل الفردى خصوصا لو معندناش مهارات العمل ا****عى المطلوب منكوا تكونوا فرق من تلاته و تسجلوا اسامى فرقكوا عند المعيدين و تستلموا مشاريعكوا ملحوظه كل فريق هيستلم مشروع غير التانى خالص و هيبقى فى مناقشه للمشاريع دى و هراجعها بنفسى معاكوا و احسن فريق هياخد عشر درجات بونص بالتوفيق للجميع اى استفسار ... اشوفكوا الاسبوع الجاى

الدكتور يمشى و الطلبه يبداو يخرجوا

محمود / مفتكرش فى هديه احلى من كدا عشر درجات مضمونين

مرام / نسيت ان فى عضو تالت فى الفريق

محمود / انا هكلم سعد متاكد انه مهيصدق

بنت تانيه تدخل

بنت 2 / ازيك يا مرام ازيك يا محمود

مرام / الحمد لله ازيك يا هند

محمود / ازيك يا هند

هند / كنت عاوزه اعرف كونتى فريقك و لا لا

مرام / لسه مش عارفه اما نشوف

هند / هدى و البنات قالوا هيبقوا سوا فانا مليش فريق و مش عاوزه اشتغل مع حد معرفوش فلو ينفع يعنى اكون معاكوا

مرام تبص لمحمود

هند / على فكره لو مش عاوزيني اكون معاكوا عادى مفيهاش احراج

محمود / لا طبعا مش الفكره بس سعد مجاش النهرده و ده صاحبى الانتيم و اخاف يزعل

هند / اه فهمت مفيش مشكله هشوفلى فريق تانى

مرام / سورى يا هند بجد بصى هو لسه ميعرفش محمود هيقوله لو مش هيزعل هكلمك اقولك

هند / لا متتعبيش نفسك اكيد هيكون عاوز يكون معاكوا

مرام / متزعليش

هند / لا مفيش مشكله عن اذنكوا

هند تمشى

مرام / شكله هيبقى يوم صعب اوى

محمود / انا هروح اشوف حد مالمعيدين اللحق اسجل اسامينا عشان لو حد جه تانى منحرجوش نقوله خلاص سجلنا و خلاص

مرام / فكره حلوه يلا بينا

مرام و محمود يمشوا الناحيه التانيه انس واقف بيتكلم فى التليفون

انس / تخيل مش عارف الدكتور ده شارب حاجه عالصبح و لا ايه

زياد / ياعم انت مدايق نفسك ليه هنعمل زى كل مره ارمى قرشين لاى معيد هيظبطلك الليله

انس / يابنى بقولك هيمتحنا شفوى و الدكتور ده ابن كلب رزل

زياد / يا سيدى نخلى المعيد يقعد معانا قبلها يشرحلنا الليله و ندخل ناخد العشر درجات و نمشى

انس / و هنتقسم ازاى بقى ان شاء الله احنا سته و كل فريق تلاته يعنى لازم نبقى فرقتين يا فالح

.............................