Alas kwatro na ng hapon.
Napabuntong hininga ako habang namimitas ng mga bulaklak dito sa likod para ilagay sa mga vase na nasa lamesa hindi malayo sa pwesto ko. May ayos kasi dito sa backgarden at dito magdi-dinner ang mga bisita ng Sir Nicholas at Ma'am Carina. Nasa walong mga lamesa ibig sabihin ay marami-rami. Abala naman ang Lola Pacita at ang ibang mga kasambahay sa pagluluto sa kusina.
Akala ko nga ay patutulungin ako doon kaso ay ang Ma'am Nyla ang nagsabi sa akin na mamitas ako ng mga bulaklak dahil nga wala pang laman ang mga vase dito.
Nang makatapos naman ako at tingin ko ay sapat na ang mga napitas ko ay tinungo ko naman ang isang table kung nasaan ang mga gamit. Mga gunting, ribbon at pagkaupo ko ay nagsimula naman na ako sa pag-aarrange ng mga bulaklak sa bawat lamesa.
H
