Siguro na-curious lang siya sa akin? malabo naman na alam non na ako ang nagligtas sa kaniya. Ilang buwan na ang nakalipas. Isa pa, sa kwento ni Lola at sa mga narinig ko sa Kuya Lito tungkol sa pagkagusto ng senyorito sa sirena lalo na sa pagpapabalik-balik nito sa dagat ay tingin ko, kung malaman niyang ako 'yon hindi na siya magpapaligoygoy.
Baka nga gusto lang akong makilala?
Lalo at hindi lang naman ako basta kasambahay dito sa mansion nila, ang trabaho ko ay maging tagabantay niya.
Napabuga ako ng hangin nang makarating na ako sa kusina. Narito na sila Ate Eva, Ate Susana at kasama si Abby na naghihiwa na ng mga sangkap sa mga lulutuin ngayong tanghalian.
"Hello, Allie!" nagulat pa ako nang biglang sumulpot si Kuya Lito sa likod ko at dire-direto na kumuha ng baso at uminom ng tu
