TANIELLA
Kunot ang noo na sinulyapan ko si Ralphie na salubong ang kilay habang bitbit ang mga pinamili. Kahit nakatakip ang mukha ay halatang nakabusangot ito.
"Okay ka lang?"
"Do I look like okay? Hindi ko lubos maisip na ginawa mo akong taga-bitbit. What the hell did you do to me, Taniella, huh?" he stopped and faced me. "I do things that others do for me. f**k, kapag nalaman ito ng mga kapatid ko, sigurado akong pagtatawanan nila ako."
Sumimangot ako. Hindi ko kasalanan kung siya ang kusang nagbitbit ng mga pinamili ko. Kinukuha ko sa kanya kanina, ayaw naman niya ibigay, tapos ngayon, nagrereklamo siya. At inisip pa talaga niya kung ano ang sasabihin ng mga kapatid niya.
Lumapit ako at kinuha ang isang pad ng napkin na sinadya kong ipahiwalay sa kahera. Kanina pa niya tinatan
