TANIELLA
"More, Redd. Siguraduhin mo na walang maamoy na usok si mommy. Hindi lang kayo kay daddy mananagot kundi sa akin kapag inatake ng allergic rhinitis si mommy. Ginawa n'yong smoking area itong bahay ko. Sa susunod na pupunta kayo, mag-abiso kayong dalawa," sermon ni Ralphie kay Redd na abala sa pag-spray sa buong paligid ng hardin. Gusto ko na nga mabahing sa sobrang dami ng in-spray nila para mapalitan lang ang amoy ng sigarilyo.
Kaya pala nataranta sila ng malaman na papunta ang magulang nila dahil may allergy sa usok ang mommy nila. Sabagay, kahit ako man ay ayaw ko rin ng amoy ng sigarilyo. Masakit sa ilong.
"Wala na nga itong laman, kuya. Tama na ito. Baka mahalata nila na nag-spray tayo rito," dahilan ni Redd.
"Amoy na amoy na nga, e," anang bahagi ng utak ko.
"Kasala
