TANIELLA
Dahil sa sama ng pakiramdam ko ay nakatulog ako sa sasakyan. Paggising ko ay puting kisame na ang bumungad sa akin. Bahagya akong kumilos nang maramdaman ko na may nakahawak sa kamay ko. Nang balingan ko ito ay napakagat ako sa labi ng makita ko kung sino ang nakapatong ang ulo sa kama. Naawa rin ako sa kalagayan ng kamay nito dahil may benda na naman. Ito marahil ang ginamit niya ng suntukin ang wall tiles sa shower room. Hindi ko na ito napagtuunan ng pansin ng nagdaang gabi dahil sa nangyari bago ako nakatulog sa bisig niya.
Tinanggal ko ang aking kamay sa pagkakahawak nito at pinasadahan ang mukha na animo'y kinakabisado ang bawat detalye ng mukha niya. Sumilay ang ngiti ko sa labi dahil hindi ko makita ang mabangis na Ralphie sa itsura niya ngayon. Para siyang maamong tup
