TANIELLA
Marahan akong kumilos at nagmulat ng mata. Kumurap-kurap ako para mas malinaw kong makita ang kinaroroonan ko. Kaagad na napabalikwas ako ng bangon ng maalala ko ang nangyari. Bigla na lang nag-unahan ang kaba sa dibdib ko nang napagtanto ko na nasa isang malaking silid ako.
Walang pag-aatubiling bumangon ako sa malambot na kama at patakbong tinungo ang pintuan saka malalakas itong kinalabog, kasabay nito ang aking pagsigaw na palabasin ako. Pero ilang segundo ko na yata itong ginagawa ay wala pa ring nagbubukas sa akin. Masakit na ang dalawang kamay ko at lalamunan sa kasisigaw.
Unti-unti naglandasan ang luha sa aking pisngi. Pumihit ako paharap para sana bumalik sa kama, maghihintay na pagbuksan ako ng pintuan pero napatda ako sa aking kinatatayuan ng makita ko ang lalaking
