TANIELLA
Tinupad ni Ralphie ang pangako niya. Malaya akong pumasok sa vocational school na pinapasukan ko. Pero katulad ng sinabi niya ay may maghahatid at susundo sa akin. Ito rin ang lalaking naghatid sa akin sa bahay at ang madalas na sumusulpot sa harap ko kapag gusto ako kausapin ni Ralphie sa tuwing hindi ko sinasagot ang tawag niya.
Pero bago ako pumasok ay binalaan ako ni Ralphie. At paulit-ulit na sumisiksik sa utak ko ang mga nakakatakot na banta niya sa akin kapag may ginawa ako na hindi niya magugustuhan.
"Remember everything I say, Taniella. I allowed you to continue your studies but when I found out that you tried to escape from my men, you will not be able to return to the school you attended. When I say, you must obey. You will never get out of this house if you try to
