“Bert?” gulat na tawag ni Vangie. Nakatayo ito sa tapat ng tindahan niya at malapad ang mga ngiti.
“Magkano ba ang tindera?” biro nito.
Na iikot ni Vangie ang kanyang mga mata. “Ewan sa ‘yo. Pasok ka,” aniya at lumabas para buksan ang gate. “Sara mo na lan– Hoy!” Bigla siyang na paatras nang aabutin sana siya ni Bert para halikan. Pinandilatan niya ito.
“Bakit?”
“Ano ka ba?” Tumingin siya sa labas. Nakahinga siya ng maluwag noong makita niyang abala sa pagba-basketball ang mga kabataang andoon. “Nasa labas tayo! Pumasok ka na nga!”
Lalong napangisi si Bert. “Sige. Mas maganda nga kung sa loob tayo.”
“Ikaw talaga! Puro ka kalokohan!” ani Vangie at kinurot ang tiyan ni Bert. Tumatawa namang umiwas ang binata sa kanya. “Isara mo na nga ‘yang gate!” Naglakad na siya papasok sa loob
