Kinabukasan ay maaga silang gumising para sa island hopping nila kahit pa nga bakas ang puyat ng bawat isa dahil sa inuman nila noong gabi.
Wearing her white short na pinaresan niya ng crop top at beach sandals at sa ulo ay malaking sumbrero ay lumabas na siya ng kwarto. May bikini siyang dala sa kanyang bag pero nagdadalawang isip pa siya kung maglalangoy dahil medyo masakit na din sa balat ang araw mamaya pagdating nila sa islang pupuntahan.
Una nilang pinuntahan ang isla ng Homo na mayroong napakapinong buhangin at madaming puno ng niyog. Maraming turista dito palibhasa’y dinarayo ang seafood bazaar market na naka locate mismo sa mababaw na parte ng dagat. Busog ang mga mata at tiyan niya sa tanawin at pagkain sa unang islang pinuntahan habang ang mga kaibigan ay busy naman sa pagkuha
