[Anastasia's POV]
Hindi ko tinanggap ang kamay niyang nakalatag sa aking harapan dahil pinipilit ko pa rin ditong dinaya niya ako sa pustahan namin. Magkakampi talaga silang dalawa ni Dylan at wala man lang nabanggit ang malandi kong best friend sa plano nito.
Pakiramdam ko tuloy binenta niya na naman ako kay Lexus tulad nang ginawa niya noong panay landi pa lang sa akin ang lalaking katabi ko ngayon. Hindi ko tuloy malaman kung kakampi ko pa ba si Dylan o kakampi na ito ng boyfriend ko.
"Kakain tayo o baka gusto mong kainin nalang kita?" mahina niyang sambit malapit sa tainga ko nang mapansin nitong wala talaga akong balak na hawakan ang braso nito.
Sinamaan ko lamang siya nang tingin at may pagbabantang tinawag ang pangalan niya.
"Kalimutan muna natin ang stress sa gabing ito at buk
