Maruem
"Inuutusan ang lahat na pumila! Isa-isang papasok ang lahat sa pintong ito!" sigaw ng isang tagabantay.
Tumayo ako at nakipila na rin. Papasok kami sa isang metal na silid. Ni hindi pa ako natutunawan mula sa aking kinain. Sana naman ay hindi muna ito daan patungong Sixth Gate. Kahit oras sa paliligo ay bigyan sana nila kami.
Unti-unting gumalaw ang pila kada may pumapasok na hari sa pinto. Nang ako na ang papasok ay isa itong mahabang pasilyo na kulay gray. Pumasok naman ako at kaagad na sumara ang pinto.
Agad na nagbago ang ayos ng silid at lumabas ang paliguan na nasa gilid. Isa itong metal na bath tub. Walang pag-aatubili akong lumusong dito. Napakalamig ng tubig, umuusok na nga ito dahil sa mga yelong nakalagay. Hindi ko na ito inalintana dahil ang mahalaga ay makaligo ako
