Hindi ko alam kung ilang beses ako nakatulog at nagising dahil sa haba ng byahe namin. Ginabi na kami tapos inumaga sa byahe hindi pa rin kami nakarating. Nangangawit na ‘yung leeg ko kanina at nang magising ako, nagulat ako na nakasandal na ako sa balikat ni Aizen.
Agad kong pinikit ulit ang mga mata ko at nag panggap na tulog saka inangat ang ulo ko pabalik sa pwesto para hindi ako mahalata. Nakakahiya na nakanga nga pa yata ako habang natutulog dahil sa pagod sa haba ng byahe namin.
“Oh, bakit ka umalis sa pwesto? It’s okay, you can lean your head on my shoulder.”
Napahinto ako at saka minulat ang mga mata ko. Nahalata pala niya ako na nagising ako kaya kinusot ko ang mga mata ko. Gabi na naman pero hindi pa rin kami nakakarating sa pupuntahan namin.
“N-nasaan na tayo? Hindi pa b
